सेयर बजारले आज (बुधबार) पनि ओरालाे यात्रा तय गरेकाे छ । आज पनि सेयर बजारमा भारी अंककाे गिरावट देखिएकाे छ ।
नेपाल स्टक एक्सचेञ्जका अनुसार बुधबार सेयर कारोबार मापक नेप्से परिसूचक ३९.२३ अंकले घटेर २४१६ मा पुगेकाे छ । नेप्से १.६० प्रतिशतले घटेकाे हो । यस्तै सेन्सेटिभ परिसूचक ७.१२ अंकले घटेर ४३६.८० मा पुगेको छ ।
कूल २१२ वटा कम्पनीकाे एक कराेड १३ लाख ९२ हजार १ सय ३५ कित्ता सेयर खरिदबिक्री हुँदा ६ अर्ब २५ करोड ४८ लाख ९ हजार १ सय ३५ रुपैयाँको कारोबार भएकाे छ ।
स्टकका अनुसार बुधबार कारोबार भएका कूल १३ उपसमूहमध्ये व्यापार र हाेटल तथा पर्यटन बाहेक सबै उपसमूहकाे शेयर राताम्मै देखिएकाे छ ।
त्यसैगरी, आज काराेबार रकमकाे आधारमा नेपाल टेलिकमले अग्रता कायम गर्न सफल भएकाे छ । कम्पनीले २९ करोड ९७ लाख ९ हजार बराबरको कारोबार गर्न सफल भएको छ ।
