नवलपरासी ।
पश्चिम नवलपरासीको पाल्हिनन्दन गाँउपालिका वर्डा नं ४ लाेहराैलीमा श्री श्री १०८ श्री रुद्र महायज्ञ २०७७ काे कलश यात्रा सम्पन्न भएकाे छ । शिवपार्वती सिद्धधाम संरक्षण संस्था लाेहराैली काे आयाेजनामा महायज्ञ सुरु गरिएकाे हाे भने करिब १८ वर्ष पछि याे दाेस्राे पटक महायज्ञ हुनगईरहेकाे आयाेजकले जनाएको छ ।
कलश यात्राकाे पाल्हिनन्दन गाँउपालिका का अध्यक्ष बैजु प्रसाद गुप्ता (दिपक) ले फित्ता काटेर उद्घाटन गर्नुभएको हाे । यज्ञमा बिधार्थी , युवा युवती र स्थानीय हरुकाे उपस्थिति रहेकाे थियाे । याे महायज्ञ २०७७ फागुन २८ गते सम्म संचालन हुने छ ।
महायज्ञमा हुने दैनिक कार्यक्रम अन्तर्गत पुजा आरती – बिहान ६:१५ बजे देखि ७:३० बजे सम्म, सुबह मण्डप पुजा – बिहान ७:३० बजे देखि १० बजे सम्म, प्रवचन – दिउँसो १२ बजे देखि साझ ४ बजे सम्म, लक्ष्यदीप प्रज्जवलन – साझ ५ बजे देखि ६ बजे सम्म, विशेष कार्यक्रम – साझ ७ बजे देखि ८ बजे सम्म, रामलिला एवम् झाँकी प्रदर्शन – राति ८ बजे देखि हुने आयाेजक का मानेश्वर सहानीले जानकारी दिनुभयाे ।
