नवलपरासी, १७ फाल्गुन ।
पश्चिम नवलपरासीको पाल्हिनन्दन गाउँपालिका वडा न० ५ गरेमा आयोजना हुने मेलामा विराट दंगल प्रतियोगिता हुने भएको छ ।
प्रचनी एतिहासिक शिव पार्वती राम जानकी र हनुमान मन्दिरलाई पर्टकिय स्थल र व्यवस्थापन गर्ने उद्देश्यले महा शिवरात्रीको अवसरमा लाग्ने मेलामा विराट दंगल( कुस्ती) प्रतियोगिता हुने भएको छ।
प्रतियोगिता र मेला मिति २०७७/११/२७ र २८ गते दुई दिने हुने कार्यक्रममा भारतको गोरखपुरका पन्ने लाल, अनिल साहनी पंजाबको जावेद गन्नी झासिकी महिला पहलवान अनामिका तथा नेपाल प्रसिद्ध पहलवान देवा थापा , राजु थापा लगायत नेपाल र भारतका ३५ भन्दा बढी पहलवान सहभागिता हुने आयोजकले जनाएको छ।
प्रतियगितामा प्रथम, द्वितीय र तृतीय हुने प्रतियोगीलाई क्रमश १ लाख , ५० हजार र २५ हजार पुरस्कार स्वरुप प्रदान गरिने छ।
कार्यक्रममा पूजा आराधनाको साथ साथै दंगल (कुस्ती) प्रतियोगिता र भव्य मेला लाग्ने भएको छ भने मेलामा पसल राख्नको लागि निःशुल्क रूपमा खुला गरको छ ।
