छल्दी युवा क्लबको प्रथम बार्षिक उत्सव सम्पन्न

गुल्मीको धुर्कोट गाउँपालिका वडा न.ं ५ वस्तुमा रहेको छल्दी युवा क्लबको प्रथम बार्षिक उत्सव शनिबार बिबिध कार्यक्रमका बिच सम्पन्न भएको छ ।क्लबले आज आफनो प्रथम बार्षिकोत्सव भव्यताका साथ मनाएको हो ।
उक्त कार्यक्रममा नृत्य प्रतियोगिताको आयोजना गरिएको थियो । जसमा एलिना बस्नेत प्रथम, मनिषा विष्ट द्धितिय, तितृय सदिक्षा पाण्डे र सान्तवना मनिषा थापा, सम्झना राना र सुमित्रा कुमाल भएका छन् । उत्कृष्ट नृत्यमा शर्मिला नेपाली छनोट हुनुभएको छ ।
कार्यक्रममा प्रमुख अतिथि तथा धुर्कोट गाउँपालिका अध्यक्ष भुपाल पोख्रेलले क्लबलाई शुभकामना व्यक्त गर्दै धुर्कोट गाउँपालिकाको नमुना क्लब रहेको र आगामि दिनहरुमा सामाजिक कार्यमा अग्रसर बन्न आग्रह गर्नुभयो । त्यस्तै विशेष अतिथि तथा गाउँपालिका उपाध्यक्ष शिबबहादुर खत्रिले छोटो समयमा नै .क्लबले धेरै सामाजिक कार्य गरको भन्दै आगामि दिनमा सामाजिक कार्य गर्न सुझाव दिदै गाउँपालिकाले क्लबलाई सहयोेग गर्ने बताउनुभयो ।
सोहि क्लबका अध्यक्ष सुवास पाण्डेको अध्यक्षता, धुर्कोट गाउँपालिका अध्यक्ष भुपाल पोख्रेलको प्रमुख आथित्यता, गाउँपालिका उपाध्यक्ष शिबबहादुर खत्रि, वडा न.ं ५ वस्तुका वडाध्यक्ष ढुण्डिराज भण्डारी, वडा न.ं ५ का वडा सदस्य नरहरि भण्डारी, इस्मा गाउँपालिका बडा न ५ का वडा अध्यक्ष कलानिधी भण्डारी , इस्मा गाउँपालिका ट का अध्यक्ष हिरा जिसी लगायतको विशेष आथित्यता रहको थियो ।
क्लबका सल्लाहकार पिताम्बर भण्डारीको स्वागत मन्तव्य रहेको कार्यक्रमको सन्चालन क्लबका सुचना सल्लाहकार सुरज पाण्डे र सल्लाहकार शोभाखर भण्डारीले गर्नु भएको थियो ।
नित्य प्रयोगीतामा २४ जनाको उपस्तिथि रहेको थियो । साथै सोहि अवसरमा चर्चित लोक तथा दोहोरी गायक हरी खत्रीको प्रस्तुति रहको थियो । क्लबले जेष्ठ नागरिकलाई सम्मान तथा केहि समय अगाडि विद्यालय स्तरीय निबन्ध प्रतियोगिताका विजयीहरुलाई पुरस्कार वितरण समेत गरेको छ । क्लबले निरन्तर सरसफाई कार्य र सामाजिक कार्यलाई अगाडि बढाउने जनाएको छ ।