बुटवल । नेपाली मगरहरुले आज ३९ औ मगर दिवस मनाएका छन् । ३९ वर्ष पहिले पहिलो पटक तनहुंमा भेला भएको दिनलाई नेपाली मगरहरुले मगर दिवसकारुपमा मनाउँदै आएका छन् ।
मगर दिवसकै अवसरमा बुटवलमा पनि मगरहरुले धुमधामकासाथ मगर दिवस मनाएका छन् । बुटवलको अस्पताल चौकबाट मगरहरुको ¥यालीले बुटवल उपमहानगरको बिभिन्न स्थानहरुको परिक्रमा गर्दै सिद्धेश्वर माबीको चौरमा पुगेर सभामा परिणत भएको थियो ।
¥यालीमा मगर भेषभुसा झल्कने साँस्कृतिक झाँकीको प्रदर्शन गरिएको थियो । परम्परागत कण्डलेघर, बाटुलेघर, घुमाउनेघर जस्ता लोपोन्मुख झाँकीहरु सहित निस्केको मगर ¥यालीमा मगर भेषभुसामा सजिएका सयौं युवा युवतीहरु सडकमा निस्केका थिए ।
¥यालीपछि आयोजित सभामा बोल्ने वक्ताहरुले मगरात राज्य स्थापना गरेरै छाड्ने अठोट गरे । उनीहरुले ब्राम्हणबादी अहंकारबादले मगर लगायत आदीबासी जनजातीको अस्तित्व माथिनै धावा बोलेको बताउँदै मगरहरुको हक स्थापित गर्न मगरहरु एकतावद्ध हुनेपर्ने बताए ।
