बालमैत्री नगर घोषणाको अन्तिम चरणमा रामग्राम नगरपालिका

नवलपरासी, पश्चिम नवलपरासीको रामग्राम नगरपालिका बालमैत्री स्थानीय शाशन घोषणाको अन्तिम चरणमा पुगेको छ ।

रामग्राम नगरपालिकामा बालमैत्री स्थानीय शाशनको कार्य प्रगतीको विषयमा समिक्षा तथा अन्तरक्रिया आज भुमहीको मनकामना कटेजमा सम्पन्न भएको छ ।

रामग्राम नगरपालिकाको आयोजना तथा मैत्री समाज नेपाल नवलपरासीको सहजीकरणमानगरपालिका भित्र बालमैत्री स्थानीय शाशनको गतिविधिहरु बारे जानकारी, बालबालिकाको वर्तमानको अवस्थालाई समाबेश गरि बालबालिकाको स्थिति पत्र जारी तथा बालमैत्री नगर घोषणा तथा दिगोपान को लागी सरोकारवालाहरु सङ सुझाव संकलन गर्दै कार्यक्रम सम्पन्न भएको छ ।

रामग्राम नगरपालिकाको प्रमुख नरेन्द्र कुमार गुप्ताको अध्यक्षता तथा जिल्ला सवन्य समिती पश्चिम् नवलपरासीका प्रमुख शिवशंकर रायको प्रमुख अतिथिक्तामा सम्पन्न भएको कार्यक्रममा उपप्रमुख रम्भा कुन्वरले स्वागत मन्तव्य राख्नु भएको थियो ।

कार्यक्रममा बोल्दै प्रमुख अतिथि रायले आफू बाल अधिकार जिल्ला समितीको अध्यक्ष समेत रहेकोले रामग्राम नगरपालिका बालमैत्री घोषणा हुनु हामी सबै गर्वको कुरा रहेको बताउनु भएको छ । छिटै नै अनुगमनको प्रक्रिया अगाडि बढाएर नगरपालिकालाई चैत मसान्तसम्म घोषणा गर्ने बताउनु भएको छ । नगर भित्र रहेको बाल श्रम, बाल बिवाह ,शैक्षिक तथा स्वास्थ्य संस्थामा अर्थपूर्ण बाल सहभागिता , लागू पदार्थ तथा सडक बालबालिकालाई विषेश प्राथमिकता दिने बताउनु भएको छ ।

कार्यक्रमलाई समापन गर्दै नगर प्रमुख गुप्ताले बालमैत्री स्थानीय शाशन घोषणा गर्न हाम्रो सुरुदेखि नै पहिलो प्राथमिकता रहेको बताउदै अब केहि दिनेमा हाम्रो लक्ष्य पुरा हुने बताउनु भएको छ । वि.स. २०७२ साल देखी नै बालमैत्रीमा विशेष काम गर्दै आएको रामग्राम नगरपालिका संघीयता पछी मेरो दोस्रो बुदाको पहिलो प्राथमिकता रहेको कुरा बताउनु भएको छ ।
घोषणा पस्ताप ५ वर्ष रणनीति कार्ययोजना नगरपालिकाले ल्याएको र केही हेरफेर गरि बाल अधिकार संरक्षणमा नगरपालिका सधै साथ रहेको बताउनु भएको छ ।

कार्यक्रममा नगर बाल संजालकि अध्यक्ष गोमा अग्रहरी , नेपाल पत्रकार महासङ् नवलपरासीका अध्यक्ष हरि शर्मा , उद्योग बाणिज्य महासङ पश्चिम् नवलपरासीका महासचिव गिरिराज पाण्डे , सम्पूर्ण वडाको तर्फ बाट ६ न० वडाका अध्यक्ष जितेन्द्र कुमार अग्रहरी लगाएतले शुभकामना मन्तव्य राखेका थिए भने कार्यक्रममा सम्पुर्ण वडाका वडा अध्यक्ष तथा कार्यपालिका सदस्यहरु एवं पत्रकार रन्जीत शर्मा , ग्यानेश्वर सहानी हुसेन अन्सारी , गौरीशंकर जयसवाल लगायतको उपस्थिति रहेको थिए ।

कार्यक्रमको संचालन मैत्री समाज नेपालका अध्यक्ष राकेश गुप्ताले गरेका थिए भने नगरपालिकाको बालमैत्री गतिविधि बारे बाल मैत्री सहजकर्ता तथा संस्थाकि सचीव शर्मिला पौडेलले प्रस्तुत गरेका थिएन ।