बागलुङ ।
पशुसेवा शाखा कार्यलय बरेङले पालिकाको वडा न ४ सल्यानमा निशुल्क पशु स्वास्थ्य घुम्ती सिबिर तथा रेबिज खोप कार्यक्रम सम्पन्न गरेको छ ।
पशुपंक्षीमा लाग्ने आन्तरिक तथा बाह्य परजिबिको नियन्त्रण तथा पशुहरुमा देखिने बाँझोपनकोे न्युनिकरण गर्नका लागी सिबिर सञ्चालन गरिएको हो ।
सिबिरमा १ सय ३० जना पशुपंक्षी पालक कृषकका झण्डै १३ सय पशुपंक्षी हरुलाई सेवा प्रदान गरिएको छ भने सिबिरमा २० वटा कुकुरलाई रेबिज बिरुद्धको खोप लगाईएको छ ।
शिबिरमा प्राय पशुहरुमा नाम्ले,माटे,बाह्य परजिबी जन्य रोग तथा केहि पशु हरुमा बाँझोपनको समस्या देखिएको छ भने कुखुरा हरु कक्सी डिओसिस रातो छेर्ने र मर्ने समस्या देखिएको पशुसेवा शाखा प्रमुख नारायण पौडेलले बताउनु भयो ।
बिहिबार बाटाकाचौर बाट सुरु भएको कार्यक्रम शुक्रबार सल्यान ,शनिबार सुखौरा,आईतबार हुग्दिसिर तथा सोमबार धुल्लुबास्कोटमा सम्पन्न हुन पौडेलको भनाई छ ।
