प्रधानमन्त्री केपी शर्मा ओलीले आफ्नो ७०औँ जन्मदिन मनाएका छन् ।
बालुवाटारमा पारिवारिक जमघट गरेर प्रधानमन्त्री ओलीले आफ्नो ७०औँ जन्मदिन मनाएका हुन् । प्रधानमन्त्री ओलीले सुरुमा आफ्ना बुवा मोहनप्रसाद ओलीबाट आशीर्वाद लिएका थिए ।
प्रधानमन्त्री ओलीलाई जन्मदिनको शुभकामना दिन उनका परिवारका सदस्य बालुवाटारमा पुगेका थिए । प्रधानमन्त्री ओलीलाई जन्मदिनको शुभकामना दिन नेकपा नेता सुवासचन्द्र नेम्वाङ पनि बालुवाटार पुगेका थिए ।
प्रधानमन्त्री ओली ११ फागुन २००८ शनिबारका दिन तेह्रथुमको इवा गाउँमा जन्मिएका हुन् । उनका बुबा मोहनप्रसाद ९१ वर्ष पुगेका छन् । आमाको भने ओली सानै हुँदा निधन भएको थियो ।
