बुटवल- अग्रगमनका लागि नागरिक आन्दोलनले संसद विघटन विरुद्ध सोमबार बुुटवलमा प्रदर्शन गरेको छ । संसद पुनस्थापना, संविधानको रक्षा तथा लोकतन्त्रको सबलीकरण गर्नका लागि आन्दोलनले केहि दिनयता बुुटवलमा प्रर्दशन गर्दै आएको छ ।
लेखक/साहित्यकार तथा नागरिक समाजका व्यक्तिहरुले अग्रगमनका लागि नागरिक आन्दोलन मार्फत संसद विघटन विरुद्ध अन्तरक्रिया तथा प्रर्दशन गर्ने गरेको छ । अदालतमाथि सरकारी धम्की बन्द गर भन्ने मूल नारा सहित सोमबार बुुटवल ट्राफिकचौकमा विरोध प्रर्दन गरेको कार्यक्रम संयोजक रामचन्द्र श्रेष्ठले जानकारी दिए ।
रुपन्देहीमा नागरिक समाज विभाजित भएकाले स्वतन्त्र नागरिकहरुको आवाज बोल्न र संविधान रक्षाका लागि आन्दोलन शुरु गरिएको श्रेष्ठले बताए । आन्दोलनमा श्रेष्ठ सहित पदम कार्की, गिरी श्रीष मगर, कृष्ण गाउँले, रविन्द्र पोखरेल, सुमिना, कृष्ण पाण्डे, कुल प्रसाद शर्मा लगायतको सक्रिय सहभागिता रहेको छ ।
संसद विघटनले संविधान र लोकतन्त्रनै धरापमा पारेकाले यसका विरुद्ध नागरिकलाई जगाउन आन्दोलन निरन्तर जारी राखिएको जनाइएको छ ।