तिलोत्तमाको गुरुकुलका छात्रहरु प्रविधि मैत्री शिक्षा लिँदै

चक्रपाणी डुम्रे, तिलोत्तमा ।
रुपन्देहीको तिलोत्तमा –१ नयाँमिल देवीस्थानमा अवस्थित श्री दुर्गा वैदिक संस्कृत विद्यापीठ का छात्रहरु पूर्वीय संस्कृत वाङमयका विषयहरुको साथमा आधुनिक विषयहरु पनि अध्ययन गरिरहेका छन् । संस्कार , संस्कृति र संस्कृतको उत्थान गर्ने उद्देश्यका साथ स्थापित विद्यापीठमा आजको प्रविधिमैत्री युगलाई मध्यनजर गर्दै संस्कृत शिक्षालाई पनि प्रोजेक्टर र कम्प्युटर का माध्यमबाट अध्ययन गराउँदा विद्यार्थीहरुको क्षेमता वृद्धि भएको विद्यापीठका प्राचार्य श्यामप्रसाद अर्यालले जानकारी दिनु भयो ।

विद्यापीठमा संस्कृत शिक्षा अन्तर्गत शुक्लयजुर्वेद, व्याकरण, कर्मकाण्ड र संस्कृत भाषा तथा आधुनिक शिक्षा तर्फ अग्रेजी, गणित,नेपाली, सामाजिक विषयका साथै कम्प्युटर समेत अध्ययन भइरहेको छ । यसका अतिरिक्त ध्यान, सत्संग, दर्शन ,पुराण, कविता लेखन, निबन्ध लेखन, वतृक्तकलाको विकास, खेलकुद आदि क्रियाकलापहरु नियमित गर्न पाउदा आफूलाई निकै खुसी महशुस भएको कक्षा १० का छात्र विष्णु रेग्मीले बताए ।

वि.स.२०५३ सालमा स्थापित विद्यापीठ श्री दुर्गा वैदिक परमान्द सन्न्यास आश्रमद्वारा संचालित छ । आश्रममा शिक्षा , आवास र भोजनको निःशुल्क सुविधा रहेको आश्रमका पीठाधिश श्री १००८ स्वामी विवेकानन्द सरस्वती महाराजले जानकारी दिनु भयो । उहाँका अनुसार समय समयमा हुने महायज्ञमा संकलित रकम र विभिन्न दाताहरुको सहयोगमा स्थापित अध्यक्षकोष र मुष्टिदान बाट गुरुकुल संचालित रहेको छ ।

आश्रममा रुपन्देही , पाल्पा, स्याङ्जा, गुल्मी, अर्धाखाची, नवलपरासी, कपिलवस्तु , डोल्पा, दैलेख , झापा लगायत विभिन्न जिल्लाहरु बाट समेत गरी १०० जना विद्यार्थी वटुकहरुले अध्ययन गरिरहेको आश्रम व्यवस्थापन समितिका अध्यक्ष खिमानन्द गौतमले जानकारी दिनु भयो ।
कक्षा ६ देखि कक्षा १० सम्म संचालनमा रहेको विद्यापीठमा आगामी शैक्षिक सत्रबाट कक्षा ११ – १२ समेत संचालन गर्ने उद्देश्य रहेको आश्रमका सह–अध्यक्ष दुर्गा प्रसाद खरेलले जानकारि दिनु भयो ।

नेपाल सरकारद्वारा स्वीकृत वेदविद्याश्रमको पाठ्क्रमका आधारमा गुरुकुल परम्परा अनुसार यस विद्यापीठमा अध्ययन अध्यापन भइरहेको छ । यश विद्यापीबाट अध्ययन गरेका विद्यार्थीहरुले राष्ट्रिय अन्र्तराष्ट्रिय स्त्तरमा कथा परवचन गर्ने ,विभिन्न विश्व विद्यालयका अध्ययन अध्यापन गराउनुका साथै ज्योतिष , कर्मकाण्ड, पत्रकारिता लगायतका क्षेत्रमा रहि संस्कृत एवं धर्म संस्कृतिको जर्गेनाका लागिरहेको आश्रम व्यवस्थापन समितिले जनाएको छ ।