मर्चवार, ७ फागुन । लुम्बिनी प्रदेशका मुख्यमन्त्री शंकर पोख्रेलले उद्घाटन गर्ने झुलुङ्गे पुलमा लगाइएको शिलालेख उद्घाटन गर्नु अघि नै चोरी भएको छ । सम्मरीमाई गाउँपालिका वडा नं. ७ र लु.स.न.पा वडा नं. २ लाई जोडने लम्तिहवामा निर्माण गरिएको झुलुङ्गगे पुलको लागि उक्त शिलालेख लगाइएकाे थियो । दानव नदीमा २ सय ३ दमलव ८ मिटर लामो बनेको भुलुङ्गगे पुलको शिलालेख चोरी भएपछि मुख्यमन्त्री पोखरेलले रिबन काटेर पुलको उद्घाटन गरेका हुन् । कार्यक्रलाई सम्बोधन गर्दै मुख्यमन्त्री पोखरेलले चोरी भएको शिलालेख प्रहरीमा उपलब्ध गराउनेलाई ब्यक्तिगत ५ हजार पुरस्कार दिने घोषणा गरेका छन् । उनले भने ‘शिलालेख प्रहरी सम्मा पु¥याइदिनेलाई प्रहरीले कुनै कारवाही नगर्ने प्रतिबद्धता ब्यक्त गर्दछु ।’
के प्रयोजनको लागि शिलालेख लगिएको कसको भनाईमा त्यस्तो काम गरिएको जानकारीको अपेक्षा राख्दै अबको दिनमा त्यस्ता काम नगर्न मुख्यमन्त्री पोखरेलले आग्रह गरेका थिए ।
यसैगरी भौतिक पुर्वाधार विकास मन्त्री बैजनाथ चौधरीले त्यो शिलालेख चोरी भएको प्रति दुख ब्यक्त गरे । शिलालेख चोरी गर्नेको खोजी गर्न र निर्माण कम्पनीले पुनः अर्को शिलालेख लगाउन निर्देशन दिएका छन् । ७ गते शुक्रबार उद्घाटन गर्ने भनेर ६ गते साँझ नै शिलालेख जडान गरिएकाे कम्पानीले जनाएकाे छ ।
