गुल्मी – धुर्कोट गाउँपालिका र हेफर प्रोजेक्ट नेपालको आर्थिक सहयोग र सिर्जनशिल सामुदायिक विकास केन्द्र गुल्मी द्वारा संचालित सामुदायिक विकासका लागी बाख्रा उद्यम परियोजना अन्तरगत धुर्कोट गाउँपालिका वडा नं २ पिपलधारा बराजामा गठित मेलमिलाप महिला उद्यम समुहका सदस्यहरूद्वारा धुर्कोट गाउँपालिका वडा नं २ पिपलधारा बराजा निवासी एकल र असाहय पुरुष राम ब जि सी लाई खाद्य सामग्री उपहार प्रदान गरिएको छ ।
भोकालाई एकछाक भोजन होईन जिउने जुक्ती सिकाऔ भन्ने मुल मन्त्र लाई आत्मसात गर्दै समुहमा हेफर आधारशिला तालिम सम्पन्न भएपछी समुहका सदस्य हरूले सामुहिक प्रतिवद्धता गरे वमोजिम सामुहिक रूपमा छिमेकमा आर्थिक अबस्था कमजोर भएको एकल तथा असहाय पुरुष राम ब जि सी लाई केही समय छाक टार्न सहयोग मिलोस भन्ने उदेश्यले उहालाई खाद्य सामग्री उपहार प्रदान गरिएको समुहकि अध्यक्ष सुसिला जि सि ले बताउनुभयो।
मेलमिलाप महिला उद्यम समुहकि अध्यक्ष सुसिला जि सि को अध्यक्षता रहेको कार्यक्रममा अतिथि सामुदायिक सहजकर्ता माया थापा , अगारा समूहका सहयोगी टोलि संयोजक बिमला खड्का र समुहका २४ जना सदस्यको उपस्थिती रहेको थियो।
समुहकी उपाध्यक्ष रिता जि सी को स्वागत मन्तव्य रहेको कार्यक्रमको संचालन समुह सचिब सिर्जना कुवरले गर्नु भएको थियो ।