बुुुटवल, ०३ फाल्गुन।
२०१६ साल फागुन ३ गते स्थापना भएको बुटवल उपमहानगरनगरपालिकाले आफ्नो ६२औं स्थापना दिवश मनाएको छ । नगरपालिकाले आफ्नो स्थापना दिवशको अवसरमा हिजो विभिन्न रचनात्मक कार्यक्रम सम्पन्न गरेकाे थियो ।आज भएको मुल समारोहमा नगरपालिकाले बिभिन्न ब्याक्तिलाइ सम्मान गरेको छ । स्थापना दिवशको अवसरमा आयोजित विशेष कार्यक्रममा नगरपालिकाले कर्मचारीबाट उत्कृष्ट कर्मचारीहरु रेश्मीराज घिमिरे,एक नारायण खनाल, दिनेश बज्राचार्य , रेखा श्रेष्ठ, सन्ताेष जि सि, गिता पाण्डे, राजु लामिछाने लगायत १६ जना कर्मचारीलाई नगद पुरस्कार तथा प्रसंसापत्रले सम्मान गरेको छ । यस्तै उपमहानगरमा ३० वर्षभन्दा बढि सेवा अवधिका ९ कर्मचारीलाई सम्मान गरिएको थियो । कार्यक्रममा बाेल्दै नगर प्रमुख शिवराज सुवेदीले बुटवल उपमहानगरपालिकाले बिकासका आधारहरु पहिचान गरेर साझ विकासका अवधारणाबाट अधि बढी रहेको बताए । हिलपार्कमा बुद्ध पहिचान पार्क, जितगढीमा बटौली युद्ध संग्रहालय, जितगढी सम्पदाको सम्बद्र्धन र विस्तार, मोतिपुरमा थारु सांस्कृतिक संग्रालय, नयाँगाउँमा ढुवानीग्राम, नरेनापुर धाममा भ्यू टावर, बैठौलिया तालमा व्यवस्थित नौकाविहार र थारु होमस्टे तथा बुटवल रामनगरमा आधुनिक पशु बधशाला जस्ता महत्त्वपूर्ण आयोजना निर्माणका काम शुरू गरेको उनले बताए। साना योजनाहरू बुटवल उपमहानगर आफैंले, मझौला योजनाहरू प्रदेश सरकार र ठूला योजनाहरू सम्पन्न गर्नका लागि संघीय सरकारसँग तथा कतिपय व्यावसायिक प्रबद्र्धनका योजनामा निजी क्षेत्रसँग सहकार्य गरेर काम गरिने छ,’ प्रमुख सुवेदीले भने । कार्यक्रममा बाेल्दै उपप्रमुख गाेमा देवी आचार्यले काेभिडकाे महामारीका बेला संघ संस्थाहरुले उपमहानगरपालिकासँग हातेमालो गरेकाले अन्यत्रभन्द बुटवलमा महामारीको प्रभाव कम हुदै गएको बताइन् । दिवसका अबसरमाठूला करदाताका रुपमा सबैभन्दा धेरै सम्पत्ती कर बुझाउनेहरुमा नेपाल हाइड्रो एण्ड इलेक्ट्रिक लिमिटेड, एभरेष्ट बोर्डिङ स्कुल, नेपाल टेलिकम, मधुसुदनलाल श्रेष्ठ, मानवहादुर केसी, विलासमोहन बझानथाक्क्षेलाई सम्मान गरिएको थियो । यसैगरी सबैभन्दा धेरै बहालकर बुझाउनेहरुमा मधुसुदनलाल श्रेष्ठ, पोष्टराज ज्ञवाली, मञ्जु ज्ञवाली, ज्ञानेन्द्रप्रसाद मल्लीलाई सम्मान गरिएको थियो ।
हरियाली प्रबद्र्धन गरेको भन्दै नरिश्वर पौडेल, आयुर्वेद र योगाका महत्वपूर्ण अभियान सञ्चालन गरेको भन्दै यागाचार्य विष्णुहरि आचार्य, निर्माण व्यवसायी सहदेब खड्का, तल्लो देविनगर टोलविकास संस्थाका दुर्गाप्रसाद श्रेष्ठ, एफ सेक्टर टोल विकास संस्थाका टेकबहादुर गुरुङ, नहरपुर माविका प्रअ धनिश्वर गौतम र नवरत्न माविका प्रअ हेमराज आचार्यलाई संस्थागत तथा व्यक्तिगत रुपमा सम्मान गरिएको थियो ।
महामारीका बेलामा क्यान्टिन सञ्चालन गरेर संक्रमितका लागि खाना खुवाउने रामहरि पोखरेल, विरामी बोक्ने एम्बुलेन्स चालक बिरबहादुर क्षेत्री, प्रहरी हवल्दार खिम विक्रम थापा र जवान विक्रम परियारलाई सम्मान गरिएको थियो । कार्यक्रममा टाेल बिकास समितिहरु र स्वमं सेविकाहरुलाई समेत सम्मानित समेत गरिएको थियोे ।कार्यक्रममा गौतमबुद्ध सामुदायिथक मुटु अस्पतालका अध्यक्ष तथा वरिष्ठ समाजसेवी एजाज आलम, बुटवल उद्योग वाणिज्य संघका उपाध्यक्ष हरिप्रसाद अर्याल, राप्रपाका नेता तथा बुटवल नगरपालिकाका भूपू प्रमुख पुनाराम पोखरेल लगायतले सबै नगरवासीलाई अपनत्व हुने गरी कार्यसम्पादन गर्न र व्यवसायिक मैत्री वातावरण बनाउन आग्रह गरेका थिए । निमित्त कार्यकारी प्रमुख मित्रमणि खनाल लगायतले धन्यवाद र वरिष्ठ अधिकृत विष्णु खनालले कार्यक्रमको सञ्चालन गरेका थिए ।
