मदाने गुल्मी, ३० माघ ।
गुल्मीको मदाने गाउँपालिकामा रहेका महिला स्वास्थ्य स्वयंसेविकाहरुबिच अभिमुखिकरण कार्यक्रम सम्पन्न गरिएको छ । सामुदायिक महिला स्वास्थ्य स्वयंसेविकाहरुको लागि किशोरी आइरन तथा फोलिक एसिड विषयमा दिइएको तालिम अभिमुखिकरण कार्यक्रम शुक्रबार सम्पन्न भएको हो ।
मदाने गाउँपालिकाका ७ वटै वडाहरुमा उपस्थित भई फरकफरक दिन ताफिम प्रदान गरिएको थियो । मदाने गाउँपालिकाका ७२ जना महिला स्वास्थ्य स्वयंसेविकाहरुलाई १/१ दिने तालिम तथा अभिमुखीकरण कार्यक्रम गरिएको हो ।
प्रशिक्षकको रुपमा मदाने गाउँपालिका स्वास्थ्य शाखा प्रमुख तिर्थराज पन्थी, सुआहारा मदाने गाउँपालिका स्तरीय पोषण सहजकर्ता मोहन भुसाल लगायतले प्रशिक्षण दिनु भएको थियो ।
अभिमुखीकरण तथा तालिम कार्यक्रमबाट स्वास्थ्य स्वयं सेविकालाई स्वास्थ्यसँग तथा किशोरी आइरन तथा फोलिक एसिडसँग सम्बन्धित कुराहरु जानकारी दिइएको सहजकर्ता मोहन भुषालले जानकारी दिनुभयो ।
१० बर्ष देखि १९ बर्षसम्मका किशोरीहरुलाई आइरन तथा फोलिक एसिड खुवाउने अभियान चलाइएको बताइएको छ । २२ गतेदेखी सुर भएको सो अभिमुखिकरण कार्यक्रम शुक्रबार मदाने ३ सिर्सेनीमा गरि सम्पन्न गरिएको छ ।
