बुटवल माघ २९,
बुटवल नगर खेलकुद विकास समिति बुटवलले नगर स्थापना दिवशको अवशरमा विविध खेलकुद कार्यक्रम गर्ने भएको छ ।
बुटवल उपमहानगरपालिकाको ६२ औँ स्थापना दिवशको अवशरमा उपमहानगर अन्तरगतका सातवटा महाशाखा र जनप्रतिनिधि, जनप्रतिनिधि र कर्मचारी, महिला कर्मचारी र महिला जनप्रतिनिधि वीच प्रतियोगिता र मैत्रीपूर्ण भलिबल खेल संचालन गर्न नगर खेलकुद विकास समितिका सदस्य नवीन थापा सारुको संयोजकत्वमा, घैटोफोर नगर खेलकुद विकास समिति सदस्य प्रेम बहादुर बस्नेतको संयोकत्वमा, सटपुट उमेश थापाको संयोजकतवमा, म्युजिकल चेयर पवित्रा ज्ञवालीको संयोजकत्वमा र तातो आलु पुरुष एवं महिला गिरिराज कुँवरको संयोजकत्वमा उपसमिति गठन गरेको छ ।
उक्त प्रतियोगितात्मक तथा मैत्रीपूर्ण खेलहरु यही फाल्गुण २ गते आइतबार ११ बजेबाट बुटवल बाल मन्दिरकोे प्राङ्गणमा संचालन हुने नगर खेलकुद विकास समितिका सदस्य एवं नवीन औद्योगिक कदर बहादुर रीता माध्यमिक विद्यालय देवीनगरका प्रद्यानाध्यापक प्रेम बहादुर बस्नेतले बताउनु भयो ।
नगर खेलकुद विकास समिति संयोजक नन्द बहादुर काउचाको अध्यक्षतामा बुटवल उपमहानगरपालिकाका शिक्षा तथा जनस्वास्थ्य महाशाखा प्रमुख उपसचिव मित्रमणी खनालको अतिथ्यतामा सम्पन्न नगर खेलकुद विकास समितिको २१औँ बैठकको संचालन सदस्य सचिव कोपिला ज्ञवालीले गर्नुु भएको थियो ।
बुटवल नगर खेलकुद विकास समितिले यही फाल्गुण ७ गते देखि १० गते सम्म एन्फाटेक्निकल सेन्टर देवीनगरमा संचालन गर्ने दोस्रो बुटवल उपमहानगर स्तरीय राष्ट्रपति रनिङ शिल्ड प्रतियोगिता २०७७ प्रभावकारी एवं ब्यवस्थित गर्नको लागि नगर खेलकुद विकास समितिका संयोजक नन्द बहादुर काउचाको संयोजकतवमा आर्थिक ब्यवस्थापन उप समिति, प्रेम बहादुर बस्नेतको संयोजकत्वमा प्रचार प्रसार उप समिति, अशोक गुरुङको संयोजकत्वमा जलपान उप समिति, उमेश थापाको संयोजकत्वमा प्रमाण पत्र तथा खेलकुद सामग्री ब्यस्थापन उप समिति, सामाजिक समिति संयोजक सीता थापाको संयोजकत्वमा मार्च पास झाँकी मुल्याङ्कन उप समिति, नवीन थापाको संयोजकत्वमा भलिबल उप समिति, गिरीराज कुँवरको संयोजकत्वमा कपर्दी उप समिति, अर्जुन घिमिरेको संयोजकत्वमा एथलेटिक्स् उप समिति र उमेश थापाको संयोजकत्वमा मार्शल आर्ट उप समिति गठन गरेको छ र उक्त राष्ट्रपति रनिङ शिल्ड प्रतियोगिता २०७७ को सदस्य सचिवमा कालिका मानवज्ञान मा.वि.का प्रद्यानाध्यापक विष्णुहरि ज्ञवाली रहनु भएको छ ।
