प्रचण्ड–माधव समूहको जुलुस निस्कँदै, ट्राफिक जाम सुरु

नेकपा प्रचण्ड–माधव समूहले आज काठमाडौंमा प्रदर्शनको अयोजना गरेको छ । प्रदर्शनका क्रममा २ लाख मान्छे उतार्ने सो समूहले जनाएको छ ।

प्रदर्शनका क्रममा ५ स्थानबाट जुलुस निकाल्ने सो समूहको तयारी छ । जुलुस निस्कने भएपछि ट्राफिक भने अस्तव्यस्त भएको छ ।

पुल्चोक, त्रिपुरेश्वर, माइतीघर, केशरमहल र जमलबाट बिहान ११ बजे जुलुस निस्कने जनाइएको छ । प्रदर्शनकै कारण ट्राफिक जाम हुन सुरु भएको छ ।

प्रदर्शनलाई लक्षित गर्दै ट्राफिक प्रहरीले चक्रपथभित्र ठूला गाडी प्रवेश गर्न रोक लगाएको छ । साथसाथै प्रचण्ड-माधव समूहको कार्यक्रमलाई लक्षित गरी ट्रफिक व्यवस्थापनका लागि सवारीसाधन डाइभर्ट गर्न थालिएको छ ।