सरकार समृद्धिको बाटोमा अगाडी बढि सक्यो, कसैले रोक्न सक्दैनः नेता विश्वकर्मा

विजयनगर , २७ माघ
नेपाल कम्युनिष्ट पार्टी (नेकपा) को जनवर्गीय सङ्गठन नेपाल उत्पीडित जातीय मुक्ति समाजको शिवराज नगर भेला मंगलवार सम्पन्न भएको छ । भेलाले केशब बहादुर विश्वकर्माको अध्यक्षतामा ४५ सदस्य मुक्ति समाज नगर कमिटी चयन गरेको छ । नव गठित मुक्ति समाज नगरको उपाध्यक्षमा टीका सुनार, सचिवमा ऋषिकेश विश्वकर्मा, कोषाध्यक्षमा कमल नेपाली र सह–सचिवमा फर्स बहादुर सर्वसम्मत चयन हुनुभएको हो ।
नेकपा केन्द्रिय सदस्य तथा रुपन्देही समन्वय समितिका सभापति एकराज विश्वकर्माले केपी ओली नेतृत्वको सरकारले नेपाल समृद्धिको बाटोमा अगाडी बढिसकेकोले कसैले रोक्न नसक्ने दावी गर्नुभएको छ । उहाँले दलितहरुको परम्परागत रुपमा अँगाल्दै आएको सीप र कौशलहरुलाई सामुहिक रुपमा सहकारीको माध्यमबाट औद्योगिकरण गर्दै सहकारीको माध्यमबाट उद्योगको मालिक बनाउने नीति रहेको बताउनुभयो ।
लुम्बिनी प्रदेश सभा सदस्य अर्जुन कुमार केसीले दलितका युवायुवती पनि संविधानले प्रशस्त बाटो खोलेकोले समय सापेक्ष अनुसार शिक्षित भई आर्थिकरुपमा सशक्त भई हरेक क्षेत्रमा सहभागी हुन लाग्न बताउनुभयो ।
कार्यक्रममा बोल्दै नेकपाका जिल्ला सचिवालय सदस्य नेत्रराज अधिकारीले हामी एउटै फूलका फूलवारी हौँ भन्दै स्थानीेयदेखि केन्द्रीयसम्म सबैको सोचलाई परिवर्तन गरी एकताबद्ध भई अगाडी बढ्ने लक्ष्य रहेको बताउनुभएको छ ।
यस्तै जिल्ला सदस्य शिव कुमारी चौधरीले केपी ओली नेतृत्वको सरकारले केही गर्न सकेन भन्ने भ्रम छरिरहेका सरकार विरोधीहरुलाई केपी ओलीको कार्य नपचेको भन्दै अब सरकारको मुल्याङ्कन जनताले गर्ने बताउनुभयो ।
जिल्ला सचिवालय सदस्य चन्द्र बहादुर गहतराजले हामी पहिल्यैदेखि पछाडी परेकोले कानुनको अधिकारहरुको बारेमा जान्न, सिक्न आवश्यक रहेको बताउनुभयो । दलितका लागि राज्यले ऐन, कानुन बनाएको तर जनस्तरस्मम सो विषयमा अझै जानकार नभएकाले विभिन्न अवसरबाटद वञ्चित रहेको त्यसको लागि तालिम, अन्तरक्रिया, छलफल, गोष्ठीमार्फत सचेत गराउनुपर्ने आवश्यता रहेको बताउनुभयो ।
यस्तै शिवराज नगर सचिवालय सदस्य जगत पौडेलले हामी कोही तल माथी होइनौँ हिजोको समान्तीहरुले आफ्नो अनुकूल एउटा वर्गको निमार्ण गरेको बताउँदै हामी सबै समान हौँ, एक हौँ समान रुपले बाच्न पाउनु पर्ने बताउनुभयो ।
जिल्ला सदस्य महादेव पोख्रेलले केपी सरकारको नीति राम्रो भएको बताउँदै अहिले कोही पनि दब्बिएर, होच्चिएर नबसेको बताउनुभयो । केपी ओली नेतृत्वको सरकारले गर्दा दलित महिलाहरु पनि स्थानीय स्तरदेखि केन्द्र स्तरसम्म प्रतिनिधित्व गरेको बताउनुभयो ।
कार्यक्रमका अध्यक्ष तथा नेपाल जातिय उत्पीडित मुक्ति समाजका अध्यक्ष टीकाराम सुनारले नीतिगत रुपमा केपी ओलीको सरकार आज होइन भोलिलाई १० वर्ष ओली भन्दै गास, वास, कपासको ग्यारेन्टी गर्दै गएकोले दलितहरुले केपी ओलीले गरेका हरेक कार्य महसुस गरेको बताउनुभयो । अहिले केपी ओलीको सरकारले मात्र नेपालको समृद्धि ल्याउन सक्ने मूल बाटो भएकोले हामी सबै ओली सरकार समर्थन गर्नुपर्ने बताउनुभयो ।
कार्यक्रममा नेकपा जिल्ला सदस्य तथा मुक्ति समाजका उपाध्यक्ष राम प्रघट कोरी, जिल्ला सदस्य टंक बहादुर सुनार लगायतको शुभकामना मन्तव्य निशा विश्वकर्माको सञ्चालनमा सम्पन्न भएको हो ।