बुटवलमा घाइते भेटिएका युवकको मृत्यु, ९ दिनपछी युवाको शव बुझे आफन्तले

बुटवल, ९ दिन पछी मृत्यु भएका युवाको शव आफन्तले माघ २५ आइतबार बुझेका छन् । बुटवलको योगीकुटी स्थित मगरघाट पुलमा घाइते अवस्थामा भेटिएका युवकको उपचारको क्रममा मृत्यु भएको हो । बुटवल उप-महानगरपालिका – १७ स्थित पुलमा माघ १७ गते सुरक्षाकर्मीको टोलिले सोहि स्थानका १६ बर्षीय सुमन खड्कालाई घाइते अवस्थामा फेला पारेको थियो। उनको सोहि दिन लुम्बिनी प्रादेशिकमा मृत्यु भएको हो । । उनलाई घर नजिकै मगरघाट पुलमा घाइते अवस्थामा प्रहरीले १७ गते भेटाएको मृतकका आफन्तले जानकारी दिएका छन् ।

सुरक्षा कर्मीको टोलीले लुम्बिनी प्रादेशिक अस्पतालमा उपचारको लागि लागेको थियो । उपचारको क्रममा उनको मृत्यु भएको लुम्बिनी प्रादेशिक अस्पतालले जनाएको छ । उनको टाउकोमा चोट , मुटु र फोक्सोमा रगत जमेको पोस्ट मार्टम रिपोर्टमा देखिएको जनाइएको छ ।

सत्यतथ्य छानबिन गरि दोषीलाई कारबाहीको माग गर्दै मृतकका परिवारले ९ दिन सम्म शव बुझ्न मानेका थिएनन । अन्त्यमा सत्यतथ्य छानबिन गरि दोषीलाई कारबाही गर्ने सहमतिका बिच मृतकका आफन्तले शव बुझेका छन् । उक्त घटनाको बारेमा अनुसन्धान भैरहेको इलाका प्रहरी कार्यालयले जानकारी दिएको छ ।