बाग्लुङ, २३ माघ । कोरोना संक्रमण भएर पोखराको मेडिप्लस अस्पतालमा उपचारारत बरेङ गाँउपालिकाका अध्यक्ष कृष्ण प्रसाद शर्माको स्वास्थ्य स्थितिमा सुधार भएको छ ।
बिगत केहि समयदेखि स्वास्थ्यमा समस्याभई अस्पताल भर्ना भएका शर्माको स्वाब परिक्षण गर्दा माघ १९ गते कोरोना संक्रमण पुष्टि भएको थियो ।
फोक्सोको कडा निमोनिया अक्सीजनको कमि ,खानाको स्वाद थाहा नपाउने जस्ता लक्षण देखिएका शर्मालाई अस्पतालको सघन उपचार कक्ष आईसीयु मा राखेर उपचार गरिएकोथियो ।
अहिले स्वास्थ्यमा क्रमिक सुधार हुदै आएको बरेङ गाँउपालिकाका प्रबक्ता नर बहादुर बिकले बताउनु भयो ।
अहिले शर्माको रगतको अक्सीजनको मात्रामा सुधार भएको ,खानाको स्वाद थाहा भएको ,खानामा रुचि बढेको र आबस्यक परेमा उहाँलाई अन्यत्र लैजाने तयारी भएको बिकले जानकारी दिनुभयो
