यज्ञोदय क्याम्पसको १८ औं स्थापना दिवसमा सहिदहरुलाई सम्झदै सरसफाइ कार्यक्रम सम्पन्न

फर्साटिकर रुपन्देही,
माघ १६ ।
रुपन्देहीको शुद्धोधन गाउँपालिका वडा न.३ रमावापुरमा रहेको यज्ञोदय दुधनाथ थारू बहुमुखी क्याम्पसले आफ्नो १८औ स्थापना दिवसमा देश र जनताका लागि बलिदानी दिने सहिदहरुलाई सम्झना गर्दै सरसफाइ कार्यक्रम सम्पन्न गरिएको छ।
विभिन्न कालखण्डमा नेपाल र नेपालीका निमित्त सहादत प्राप्त गर्ने बिर सहिदहरूको स्मरण मा प्रति १ मिनेटको मौनधारण पश्चात क्याम्पस परिसर र समुदायस्तरमा सरसफाइ संचालन भएको थियो।
सरसफाइमा क्याम्पसका संचालक समिति, प्राध्यापक, कर्मचारी तथा विद्यार्थीहरूको संयुक्त सहभागिता रहेको थियो ।
कार्यक्रममा क्याम्पस संचालक समितिका अध्यक्ष मणि प्रसाद खनालले सहिदहरूले देश र जनताका लागि ज्यानको बाजी लगाइ समाज तथा राष्ट्रको परिवर्तनका लागि खेलेको योगदानको कदर गर्दै सहिदहरूको योगदानको प्रशंसा गर्नु भयो । क्याम्पसको गुणास्तर सुधार तथा शैक्षिक प्रगतिका लागि संचालक समिति, प्राध्यापक कर्मचारी तथा अभिभावक-विद्यार्थीहरूको समन्वय, मेहनत तथा लगावबाट मात्र सम्भव हुने बताउनुभयो ।

यस्तै क्याम्पस प्रमुख टंकप्रसाद पौडेलले विभिन्न संक्रामक रोग बाट बच्नका लागि रोगप्रतिरोधात्मक
क्षमता वृद्धि गर्न व्यक्तिगत सरसफाइ तथा सफा स्वच्छ वातावरणबाट मात्र सम्भव हुने, त्यसका लागि क्याम्पस तथा समुदायमा सरसफाइको अभियान संचालन गरिएको बताउनुभयो ।
क्याम्पस संचालक समिति अध्यक्ष मणि प्रसाद खनालको अध्यक्षता एंव सहायक क्याम्पस प्रमुख भेषराज ढकालको संचालनमा सम्पन्न भएको थियोे ।