बुटवल, लुम्बिनी प्रदेशका मुख्यमन्त्री शंकर पोखरेलले अख्तियार खाली राख्ने प्रचण्डको नियत प्रधानमन्त्री केपी ओलीले चकनाचुर पारिदिएको बताउनुभएको छ ।बुटवलमा मंगलबार युवासंघ नेपालको अगुवा कार्यकर्ता भेलालाई सम्बोधन गर्दैै नेकपा ओली पक्षका नेतासमेत रहेका पोखरेलले र अब अख्तियार पूर्णरुपमा क्रियाशिल हुने दाबी गर्नुभयो ।
प्रचण्डले आफु कारवाहीमा परिने डरले अख्तियार लगायतका संवैधानिक निकायमा नियुक्ती गर्न नदिएको पोखरेलको भनाई थियो । उहांले प्रचण्डका कारण रोकिएका संवैधानिक निकायका नियुक्ति प्रधानमन्त्री ओलीले गरिसकेको र अब सबै निकायले काम गर्न थालेको बताउनुभयो ।मुख्यमन्त्री पोखरेलले नेपालको गुमेको भुभाग समेटेर चुच्चे नक्सा सार्वजनिक भएपछि नै प्रधानमन्त्रीमाथि घेराबन्दी गरिएको उल्लेख गर्दै अहिलेको संकट चुच्चे नक्साकै कारणले भएको समेत बताउनुभयो ।
नेकपाका केन्द्रीय सदस्य एवं युवा ईन्चार्ज महेश बस्नेतले प्रधानमन्त्री युवापुस्ताको पक्षमा रहेको उल्लेख गर्दै पार्टीमा बहस चलेका बेला महाधिवेसनपछि आफू नदोहोरिने र चुनावपछि प्रधानमन्त्री बन्दिन भन्नुले केपी ओली नयांपुस्ताको पक्षमा रहेको स्पष्ट पार्नुभयो । बस्नेतले प्रचण्ड–नेपाल सहितका केही नेताले पदको स्वार्थका कारण सिंगो पार्टी तहसनहस बनाएको आरोप लगाउनुभयो ।
उक्त सभा अगाडी राष्ट्रिय युवासंघ नेपाल लुम्बिनीले बुटवलमा मोटरसाईकल ¥याली प्रदर्शन गरेको थियो । बुटवलस्थित राजमार्ग चौराहाबाट निकालेको युवा संघको ¥याली योगिकुटीमा आई पुनः राजमार्ग चौराह हुंदै सुख्खानगरस्थित पुष्पलाल स्मृति भवनको प्रांगणमा पुगेको हो ।
