बुटवल, माघ १४ – देशका सबै प्रदेशजस्तै लुम्बिनी प्रदेशमा पनि बुधवारदेखि कोरोना भाइरसविरुद्धको खोप लगाउन सुरु गरिएको छ ।लुम्बिनी प्रादेशिक अस्पताल बुटवलका प्रमुख मेडिकल सुपरिटेन्डेन्ट डा. राजेन्द्र खनालले पहिलो खोप लगाएका हुन् । डा. खनाललाई खोप कार्ड हस्तान्तरण गर्दै लुम्बिनी प्रदेश सरकारका मुख्यमन्त्री शंकर पोखरेलले खोप अभियानको सुरुवात गरेका हुन् ।
भारत सरकारले नेपाललाई उपलब्ध गराएको खोप पहिलो चरणमा कोरोना नियन्त्रणका लागि अग्रपंक्तिमा खटिएर सेवा प्रदान गरेका स्वास्थ्यकर्मी, सफाईकर्मी लगायतलाई खोप लगाईने बताईएको छ ।डा. खनाल दुईमहिना पहिले कोरोना भाईरसको संक्रमण पछि १० दिन बढि आईसियू र आईसोलेसन अस्पतालमा भर्ना भई संक्रमणमुक्त भएका थिए ।
लुम्बिनी प्रदेशमामा पहिलो चरणमा ३९ हजार ४ सय ९५ जनाको लागि खोप आएको सामाजिक विकास मन्त्रालयका सुचना अधिकारी डा. पुष्पराज पौडेलले जानकारी दिए ।सोहि अनुसार लुम्बिनी प्रादेशिक अस्पतालका प्रमुख मेडिकल सुपरिटेन्डेन्ट डा. खनालसंगै अन्य १४ जनाभन्दा बढी स्वास्थ्यकर्मीले बुधवार नै खोप लगाउंदै छन् ।
प्रदेश स्वास्थ्य निर्देशनालयले ३९ हजार ४ सय ९५ लाई २ डोज पुग्ने गरि ८ हजार ७ सय ६८ भाईल खोप प्राप्त भएको सबै खोप सम्बन्धित जिल्लामा पठाईएको जनाएको छ । केन्द्रका सूचना अधिकारी हरी प्रसाद आचार्यका अनुसार रुपन्देही जिल्लामा १५ हजार ५३ जनालाई पुग्ने ३ हजार ३ सय ४२ भाईल खोप राखिएको छ
