नेपालमा पछिल्लो २४ घण्टाको अवधिमा थप ३०३ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ४ हजार ५७४ नमुनालाई पीसीआर विधिबाट परीक्षण गर्दा १३० महिला र १७३ जना पुरुषमा कोरोना पुष्टि भएको हो ।
आज थपिएकासहित संक्रमित हुनेको कुल संख्या २ लाख ७० हजार ९२ पुगेको छ । कुल संक्रमितमध्ये ३ हजार २५२ जना सक्रिय संक्रमित रहेका छन् ।
पछिल्लो २४ घण्टामा २८५ जना निको भएर फर्किएका छन् । योसँगै कोरोनाबाट निको हुनेको कुल संख्या दुई लाख ६४ हजार ८२३ पुगेको छ ।
त्यस्तै, यसको संक्रमणबाट थप ६ जनाको मृत्यु भएको मन्त्रालयले जनाएको छ। योसँगै कोरोनाबाट मृत्यु हुनेको संख्या दुई हजार १७ पुगेको छ ।
