नमुना महिला उद्यम समुह धुर्कोटद्वारा एकल महिला रेनु वि क लाई कुखुरा र खाध्यान्न उपहार प्रदान

गुल्मी – धुर्कोट गाउँपालिका र हेफर प्रोजेक्ट नेपालको आर्थिक सहयोग र सिर्जनशिल सामुदायिक विकास केन्द्र गुल्मी द्वारा संचालित सामुदायिक विकासका लागी बाख्रा उद्यम परियोजना अन्तरगत धुर्कोट गाउँपालिका वडा नं २ पिपलधारामा गठित नमुना महिला उद्यम समुहका सदस्यहरूले धुर्कोट गाउँपालिका वडा नं २ पिपलधारा जुम्लादिकी एकल र असाहय रेनुको परिवार लाई एक वटा लोकल पोथि कुखुरा उपहार प्रदान गरिएको छ ।
भोकालाई एकछाक भोजन होईन जिउने जुक्ती सिकाऔ भन्ने मुल मन्त्र लाई आत्मसात गर्दै समुहमा हेफर आधारशिला तालिम सम्पन्न भएपछी समुहका सदस्य हरूले सामुहिक प्रतिवद्धता गरे वमोजिम सामुहिक रूपमा र व्याक्तीगत रूपमा छिमेकमा आर्थिक अबस्था कमजोर भएको रेनु वि क को परिवार लाई केहि आर्थिक अबस्थामा टेवा मिलोस भन्ने उदेश्यले सोहि उहालाई एक वटा कुखुरा प्रदान गरिएको हो ।
उपहार प्रदान गरिएको कुखुरालाई उहाँले व्यावस्थित तरिकाले पालेर जस बाट उत्पादन हुने अण्डा र चल्ला बाट उहाँको परिवारलाई समुहमा बचत गर्नको लागी केहि टेवा मिल्न सकोस भनि उहाँलाई कुखुरा उपहार प्रदान गरिएको समुहकि सदस्य सिर्जना वि कले बताउनुभयो। सोहि कार्यक्रममा समुहका सदस्यहरूले व्याक्तिगत रूपमा पनि उपहार प्रदान गर्नुभएको थियो ।
व्याक्तिगत रूपमा केहि सदस्यले रेनुको परिवारलाई एक कट्टा आटा एक दर्जन सावुन र जनकल्याण प्रा विमा कक्षा ५ मा अध्यानरत सारदा वि क, कक्षा ४ मा अध्यानरत हरि वि क र कक्षा एकमा अध्यानरत आस्विन वि क लाई एक एक दर्जन कपि र एक एक दर्जन कलम र ६ वटाको दरले सावुन उपहार प्रदान गरेको समुहकि सचिव शान्ता वि कले बताउनु भयो।
तालिमको बेलामा गरेको प्रतिवद्धता लाई सामुहिक र व्याक्तीगत रूपमा उपहार प्रदान गरिएको र जुन उपहार असाय र आर्थिक अबस्था कमजोर भएकालाई दिन पाउँदा समुहका दिदि बहिनी निकै खुशी रहेको उहाँहरुले बताउनु भयो। उपहार ग्रहण गर्दै रेनु वि क ले नमुना महिला उद्यम समुहका सबैदिदि बहिनीललाई सहयोग गरेकोमा धँन्यवाद दिनुभयो ।
उहाँले उक्त उपहारलाई संरक्षण र ब्यावस्थित तरिकाले पालेर कुखुराबाट धेरै भन्दा धेरै कुखुराको संख्या वढाउने योजना बनाएको बताउनुभयो । साथै सोहि समुहका सदस्यले वातावरण लाई सुधार गर्ने उदेश्यले सरसफाई कार्य पनि सम्पन्न गरेको छ ।
समुहका घरमा घरमा आउने पानिको मुहान र पधेरो वरपरको झाडी र फोहोरलाई सरसफाई गरी स्वच्छ पानि पिउनको लागी सरसफाई कार्यलाई अगाडी बढाएको र उक्त कार्यले समुहलाई थप उत्साहित बनाउने समुहका सदस्यले जानकारी दिनुभयो।
नमुना महिला उद्यम समुहकि अध्यक्ष अनिता वि को अध्यक्षता रहेको कार्यक्रममा समुहका २४ जना सदस्यको उपस्थिती रहेको थियो।
समुहकी उपाअध्यक्ष कमला वि क को स्वागत मन्तव्य रहेको कार्यक्रमको संचालन समुहकि सचिव शान्ता वि कले गर्नुभएको थियो।