बुटवलमा लुम्बिनी लाईभ कन्संर्ट २०७७ हुदै, दुर्गेश थापा र पल शाहसहित १ दर्जन भन्दा बढी कलाकारहरु आउदै

बुटवल, ११ माघ l

बुटवलमा लुम्बिनी लाइभ कन्सर्ट २०७७ हुने भएको छ  l जय माता दी एम्युजमेंट प्रा. लि. बुटवल रुपन्देहीको मुख्य आयोजनामा हुन लागिरहेको लुम्बिनी लाइभ कन्सर्ट २०७७ मा १ दर्जन भन्दा बढी कलाकारहरुले प्रस्तुति दिने बताईएको छ l

यहि माघ २४ गते सनिबारका दिन जन जागृति माद्यामिक विद्यालय योगीकुटी रुपन्देहीको प्राङ्गणमा आयोजना गरिएको कार्यक्रममा राष्ट्रिय स्तरमा ख्याती प्राप्त कलाकारहरुको प्रस्तुति रहने आयोजक टिमले जनाएको छ  l

जागृति युवा क्लबको सह-आयोजना तथा तिलोत्तमा नगरपालिका वडा नम्बर २ को बिसेष सहयोगमा हुन गइरहेको लुम्बिनी लाइभ कन्सर्ट २०७७ मा राष्ट्रिय स्तरमा ख्याती प्राप्त गायक तथा मोडल दुर्गेश थापा र नायक तथा मोडल पल शाह को उपस्थित रहने जय माता दी एम्युजमेंट प्रा. लि. का प्रबन्ध निर्देशक राज बिर जायसवालले जानकारी दिए l

रुपन्देही जिल्ला भित्र रहेका अनाथ, असहाय तथा नेत्रहीनहरुको सहयोगार्थका लागि यो कार्यक्रम गर्न लगिएको उनले बताए  l  उनले भने ” कोभिड़का कारणले बन्द रहेको सांगेतिक माहोललाई निरन्तता दिन आवस्यक छ l कोभिड बिस्तारै पुरानो अवस्थामा आइरहदा नेपाली स्टेज शोहरु पनि गर्न आबस्यकता छ l त्यसैले यो कार्यक्रमको आयोजना गरिएको हो l”

त्यति मात्र नभई यो कार्यक्रम गरिब दीन दुखीहरुका लागी समर्पित रहको उनले बताए l कार्यक्रमका लागि टिकट खुल्ला गरिसकेको आयोजक टिमले बुटवल दैनिकलाई जानकारी दिएको छ l