अष्ट्रेलीयन रेडक्रस सोसाइटी आर्थिक सहयोग, ने.रे.सो. केन्द्रको प्राविधिक सहयोग र नेपाल रेडक्रस सोसाइटी पाल्पा जिल्ला शाखा द्धारा संचालीत सामुदायमा आधारीत स्वास्थ्य तथा प्राथमिक उपचार र आपतकालिन स्वास्थ्य अन्र्तगत सिविएचएफए पुर्नताजगी तालिम रिव्दीकोट ८ फेकमा ९ गते सम्पन्न भएको छ ।
तालिमको औपचारीक कार्यक्रममा प्रमुख अतिथि नेरेसो पाल्पाका सभापति बुद्धि प्रसाद शर्माले सिकेका सिपहरुलाई व्यवहारमा प्रयोग गर्दा प्रभावितलाई र स्वयम्लाई पनि राम्रो हुने र रेडक्रसले संचालन गरेका गतिविधिहरुलाई अझ प्रभावकारी ढंगबाट स्थानीयस्तरमै संचालन गर्नको लागि जोड दिदै स्थानीय सरकारलाई सहयोग गर्न आग्रह गरेका थिए । नेरेसो केन्द्रका उपनिर्देशक शिवराम गौतमले परियोजनाले धेरै उपलव्धी हासिल गरेको, समुदायमुखी भएको र समुदायका व्यक्तिहरुले साथ दिएर पूणर् रुपमा सफल भएको बताउदै समुदायमा आधारीत परियोजना समुदायको रहेको र रेडक्रसले सहजीकरण गरेको हुनाले स्वास्थ्य सम्वन्धी जनचेतना बढेको बताएका थिए ।
कार्यक्रममा शाखाका कोषाध्यक्ष भीमसेन कार्कीले परियोजनाले गरेका गतिविधिहरुलाई दिगोपना दिनका लागि समुदायनै जीम्मेवारी भएको बताउदै रेडक्रसले गर्नु पर्ने सहयोगमा कुनै पनि कमी नरहने कुरा व्यक्त गरेका थिए । कार्यक्रममा वडा अध्यक्ष नारायण बहादुर लाम्टाङ्गेले परियोजनाले संचालन गरेका हरेक गतिविधिहरु सफल भएको र आगामी दिनहरुमा स्थानीय स्तरबाटै निरन्तरता दिनु पर्ने र वडाबाट नियमित अनुगमन गरिने र दिगोपनाको लागि सहयोग समेत गर्ने कुरा बताएका थिए ।
कार्यक्रममा शाखाका वरिष्ठ कार्यकारी अधिकृत बाबुराम कार्की राजु राउतले पनि आफ्नो धारणा राखेका थिए । औपचारीक कार्यक्रम वडा अध्यक्ष नारायण बहादुर लाम्टाङ्गेको सभापतित्व र कार्यक्रम अधिकृत बिनोद भारतीको संचालनमा सम्पन्न भएको थियो । तालिमा प्राथमिक उपचार , सर्ने तथा नसर्ने रोगहरु , प्रजनन स्वास्थ्य , मातृस्वास्थ्य , प्रकोप व्यवस्थापन, नवजात शिशु स्याहार लगाएतका विषयहरुमा प्रशिक्षण दिईएको थियो प्रशिक्षण नेरेसो केन्द्रका कार्यक्रम संयोजक राजु राउत, कार्यक्रम अधिकृत बिनोद भारती, फेक स्वास्थ्य चौकीका अनमी रक्षा खड्का र अहेव खीमा रेश्मीले दिएका थिए । तालिममा स्थानीय २५ जनाको सहभागितामा सम्पन्न भएको थियो ।
