सुव्रतराज आचार्यको निर्देशनमा तयार भएको नयाँ म्युजिक भिडियो सार्वजनिक भएको छ । शुक्रबार आचार्यको निर्देशनमा बनेको ‘माया किन मोडियो’ बोलको म्युजिक भिडियो सार्वजनिक भएको हो ।
सार्वजनिक गीतमा सुदन गैरेको स्वर र संगीत छ । गीतको शब्द सृजना किरण घिमिरे ‘माइकल’ले गरेका हुन् ।
गीतको भिडियोमा अभिनेता नाजिर हुसेन र मोडल रेश्मा घिमिरे फिचर भएका छन् । भिडियोमा नाजिर र रेश्माबीचको मित्रता देखाइएको छ । भिडियोमा मुस्कान शाह, एलिश खनाल, साइरा आचार्य र एलिभ राउतलाई पनि देख्न सकिन्छ ।
प्रतिमा शर्माले निर्माण गरेको भिडियोको क्रियटिभ डाइरेक्टर जया शर्मा हुन् । उत्सव दाहालले खिचेको भिडियोको स्क्रिप्ट साइव्रत आचार्यले तयार पारेका हुन् । भिडियोको कन्सेप्ट भने गायक गैरे स्वयम्को हो ।
भिडियोको सम्पादन तथा कलर ग्रेडिंग बिकास दाहालको रहेको छ भने प्रडक्शन म्यानेजर दिपेन गौतम ‘माइकल’ हुन् ।
