साइनो विधाकाे नयाँ कृति विमाेचन

पाल्पा।।साइनाे विधाकाे नयाँ कृति पाल्पामा एक कार्यक्रमका बीच विमाेचन गरिएको छ । पाल्पाका बीस जना स्रष्टाहरूकाे संयुक्त कृति पाल्पाली साइनाे त्रिभुवन बहुमुखी क्याम्पस पाल्पाका क्याम्पस प्रमुख टंकप्रसाद भट्टराले विमाेचन गर्नुभयो । डा. शंकरप्रसाद गैरेले कृतिको समीक्षात्मक टिप्पणी गर्नुभयो । उक्त विमाेचन कार्यक्रममा वरिष्ठ पत्रकार मेघराज शर्मा, धवल पुस्तकालय पाल्पाका अध्यक्ष युवराज पाैड्याल, साहित्यकारहरू पुष्कर अथक रेग्मी, मन गहिरे, हरि भट्टराई, भीमलाल बस्यालले मन्तव्यका साथमा कार्यक्रमकाे सफलताको शुभकामना व्यक्त गर्नुभयो । धातानन्द शर्माको अध्यक्षता, रामप्रसाद अर्यालको स्वागत अनि झविन्द्र देवकोटाकाे सञ्चालनमा कार्यक्रम सम्पन्न भयाे ।नेपालीपन बाेकेकाे साइनो छाेटाे संरचनामा निर्मित हुनुका साथै पंक्ति पंक्तिकाे अर्थका साथै समुच्च संरचनाले व्यक्त गर्ने ध्वन्यार्थका कारण छाेटाे समयमै कृतिले लाेकप्रियता पाएको देखिन्छ । समाजका विकृति र विसङ्गतिमाथि कटाक्षपूर्ण प्रहार गरि सुधारको सन्देश प्रवाहित गर्न पनि याे उपयुक्त विधा रहेको छ । साइनो लेखन र प्रकाशनका क्षेत्रमा जिल्ला तहमा गरिएको याे पहिलो प्रयास हाे । कृतिलाई यश रूपमा ल्याउनका लागि यहाँ समेटिनुभएका बीस जना सष्टा, कृति प्रकाशनकाे प्रस्ताव ल्याई संयाेजनकाे महत्त्वपूर्ण भूमिका सम्पादन गर्नुहुने धातानन्द शर्मा, कृतिमा साइनोकाे सैद्धान्तिक अवधारणासहित गरुगम्भीर भूमिका लेखेर कृतिकै गरिमा बढाउनुहुने साइनोका जन्मदाता छायादत्त न्याैपाने धन्यवाद समेत व्यक्त गरिएको थियाे ।