तिलोत्तमा, पुस २९ । जायसवाल सेवा समिति र जायसवाल युथ क्लब बुटवलको संयुक्त आयोजना साथै लायन्स आँखा अस्पताल बुटवलको सहयोगमा तिलोत्तमा नगरपालिका वडा नं ७ स्थित सेमार बजार माध्यमिक विद्यालयमा पुस २९ गते (आज) निशुल्क आँखा जाँच साथै चस्मा वितरण गरिएको छ ।
कार्यक्रमका प्रमुख अतिथि विद्यालय व्यवस्थापन समितिका अध्यक्ष गणेश भण्डारीले जायसवाल समाजले गरेको यो सामाजिक उत्तरदायितव प्रति खुलेर प्रशंसा गर्नु भयो । भण्डारीले विद्यालयमा अध्यनरत विद्यार्थी हरुलाई यस कार्यक्रमले ठूलो सहयोग पुग्ने बताउँदै धन्यवाद प्रकट गर्नु भयो ।
साथै कार्यक्रमका सभापति जायसवाल युथ क्लबका अध्यक्ष बिनोद कुमार जायसवालले जायसवाल समुदायको यो समितिले समाजलाई सकारात्मक दिशा तर्फ उन्मुख गर्न र सामुदायिक साथै सरकारी विद्यालयका विद्यार्थीहरुलाई आवश्यक सहयोग र साथ प्रदान गर्ने कार्यक्रम विगतमा गर्दै आएको र भविष्यमा समेत गर्ने पनि प्रतिबद्धता व्यक्त गर्नु भयो ।
कार्यक्रम सञ्चालन जायसवाल युथ क्लबको कोषाध्यक्ष नितेश जायसवालले गरेका थिए भने उक्त कार्यक्रम बाट ३५० जाना विद्यार्थीको आँखा जाँच सँगै आवश्यक खण्डमा चस्मा प्रदान गरिएको थियो ।
