बुटवल, २६ पुस ।
बुटवलमा एस.के क्रियशनद्वारा “द नेक्स्ट फेस लुम्बिनी” को आयोजना गरिएको छ । यस इभेन्टको लागि पहिलो र दोस्रो अडिसन सम्पन्न भएको छ । पहिलो र दोस्रो गरि ३० जना प्रतियोगि छनौट भएको आयोजक टिमले जनाएको छ ।
‘द नेक्स्ट फेस लुम्बिनी’ को अडिसन राउन्ड अन्तर्गत झिमा होटल बुटवलमा भएको पहिलो अडिसन राउन्डमा सहभागी २० प्रतियोगिबाट १७ जना छनौटमा परेका थिए । दोस्रो राउन्ड अन्तरगत बुटवलको कालीकानगरमा रहेको होराइजन फुडल्याण्डमा भएको अडिसनबाट १३ जना छनौटमा परि ३० जना प्रतियोगि छनौट भएको द नेक्स्ट फेस लुम्बिनीका कोडिनेटर गोकुल न्यौपानेले बताए ।
युवायुवतीहरुको व्यक्तित्व विकास गर्ने, क्षमता अभिवृद्धि गर्ने, नेतृत्व गर्न सक्ने क्षमताको विकास गर्ने, व्यूटी पेजेन्ट र मोडलिङ्गको क्षेत्रमा युवा युवतीलाई अगाडी बढाउने र नयाँ–नयाँ कलाकारहरु उत्पादन गर्ने उदेश्यका साथ यो इभेन्ट अर्गनाईज भएको एस.के कृयशनका इभेन्ट म्यानेजिङ डाईरेक्टर साहिर केसीले जानकारी दिएका छन ।
लुम्बिनी प्रदेशस्तरीय रुपमा संचालन गरिएको ‘द नेक्सट फेस लुम्बिनी’मा १५ बर्ष भन्दा माथिका प्रतियोगिहरु सहभागी छन ।लुम्बिनी प्रदेशस्तरीय रुपमा संचालन गरिएको ‘द नेक्सट फेस लुम्बिनी’मा १५ बर्ष भन्दा माथिका प्रतियोगिहरु सहभागी छन । सहभागी मध्ये बिजेता र उपविजेताले ४ वटा म्युजिक भिडियोमा अभिनय गर्ने अवसर समेत पाउने छन् ।स्वाभिमान क्रियसन प्रालिको ब्यानरमा बन्ने २ वटा म्युजिक भिडियो तथा होनर रेकर्ड्स नेपालको ब्यानरमा बन्ने २ वटा म्युजिक भिडियोमा खेलाईने डाईरेक्टर के सी ले बताएका छन् ।
