सामुदायिक विकासका लागी बाख्रा उद्यम परियोजना अन्तरगत धुर्कोट गाउँपालिकाको नयाँगाउमा चेप्टेढुङ्गा महिला उद्यम समुह पिपधारामा प्रगतिशिल महिला उद्यम समुह हाडहाडेमा लगनशिल महिला उद्यम समुह र वाग्लामा अज्मिरकोट महिला उद्यम समुह द्वारा समुहका सदस्यहरूले सामुहिक किम्बुको नर्सरी गर्नेकाम सम्पन्न भएको छ।
धुर्कोट गाउँपालिकालाई बाख्राको स्रोत केन्द्रको रूपमा काम अगाडी बढाउन लाग्दा घाँसको बिकास नगरे सम्म बाख्राको उत्पादन बढाउन नसकिने भएको हुदा प्रतेक वडामा १६ हजार पाचँ सयका दरले आज ६६ हजार किम्बुको नर्सरी गर्नेकाम सम्पन्न भएको छ।
बाख्राको उत्पादन बढाउनको लागी एक वडा एक नर्सरी स्थापना गर्ने उदेश्यका साथ किम्बुको नर्सरी स्थापना गरिएको र अगाडी पनि मोलाटो, सुपरनेपियर, इन्दु, भटमासे, सेटारीया र पास्पालम लगाएतको नर्सरी स्थापना गरेको सामुदायिक विकासका लागी बाख्रा उद्यम परियोजनाका प्राविधिक संयोजक नारायण जि सी ले जानकारी दिनु भयो।
नयाँगाउमा नर्सरी राख्नको लागी सामुदायिक सहजकर्ता बिष्णु कुवर र सामुदायिक पशु तथा कृषि उद्यमी बाबुराम पोख्रेलको सहयोगमा समुहका सदस्यहरू पिपलधारामा प्राविधिक संयोजक नारायण जि सी सामुदायिक सहजकर्ता मायाँ थापा र सामुदायिक पशु तथा कृषि उद्यमी चमेला बिक को सहयोगमा समुहका सबै सदस्य हरू हाडहाडेमा प्राविधिक संयोजक नारायण जि सीको सहयोगमा समुहका सबै सदस्यहरू र वाग्लामा सामुदायिक पशु तथा कृषि उद्यमी हेमराज घिमीरेको सहयोगमा समुहका सवै सदस्यहरू द्वारा सामुहिक रूपमा नर्सरी गर्ने काम सम्पन्न भयो।
प्रतेक समुहका सदस्य हरूले आफुले सामुहिक रूपमा नर्सरी गरी असारमा बिरूवा हरूलाई आ आफ्ना वडाका सबै समुहलाई उपहार स्वरुप बिरूवा प्रदान गर्नेछौ। भन्ने जानकारी गराउदै हामी सबै दिदि बहिनीको एकता वाट काम गर्दा निकै रमाइलो हुने र सामाजिक एकतामा समेट टेवा पुग्ने आफुहरूले महसुस गरेको समुहका दिदि बहिनीले जानकारी गराउनु भयो।
यसरी चार वटा वडामा स्थापना गरिएको नर्सरी बाट विरूवाको राम्रो सिन्चाई बाट बिरूवा को उत्पादन गरि बिरूवा सार्दा बिरूवा मर्ने सम्भावना कम हुने भएको हुदा घासँको विकास राम्रो हुन सक्नुको साथै सो नर्सरी बाट सामुदायिक विकासका लागी बाख्रा उद्यम परियोजना द्वारा गठित ७६ वटा समुह हरूमा वितरण गरिने प्राविधिक संयोजक नारायण जि सीले जानकारी दिनु भयो।
