बुटवल, पुस २४ । विश्वभरिका बीमा प्रोफेशनलहरुको साझा संस्था एमडिआरटी ( Mollion Dollar Round Table ) मा सिटिजन लाइफ इन्स्योरेन्स बुटवल शाखामा कार्यरत तीन जना एजेन्सी म्यानेजर अनिल कुमार अर्याल, राजेश थापा, यमलाल भण्डारी छनोट भएका छन् ।
आगामी सन् २०२१ को अगष्ट २९ देखि सेप्टेम्वर १ मा एसियाको सिंगापुर हुने भनिएको यस जीवन बीमा प्रोफेशनलहरुको अन्तर्राष्ट्रिय फोरम एमडिआरटी (MDRT) मा हरेक अंग्रेजी वर्ष जनवरी १ देखि डिसेम्वर अन्तिम ३१ सम्म तोकिएको बीमा शुल्क संकलन गर्ने अभिकर्ताहरु उक्त सम्मेलनमा भाग लिन पाउनेछन् । मिलियन डलर राउण्ड टेवल अर्थात एमडिआरटी नाम दिइएको सो सम्मेलन हरेक वर्ष फरक फरक देशमा कार्यक्रम आयोजना गरिन्छ ।
अमेरिकाको चिकागोमा मुख्यालय रहेको एमडिआरटीमा क्वालिफाईड भई विश्व सम्मेलनमा सहभागी भएपछि उक्त व्यक्तिको कार्य क्षमता बृद्धि हुने छ भने अन्तर्राष्ट्रिय क्षेत्रमा अनुभवी व्यक्तिहरुसँगको सहकार्यले बीमा व्यवसायमा थप योगदान गर्न समक्ष हुने विश्वास छ । नेतृत्व विकास र क्षमता अभिबृद्धिका लागि एमडिआरटी उत्कृष्ट अन्तर्राष्ट्रिय प्लेटफर्म हो ।
यस विषम परिस्थितिमा पनि सिटिजन लाइफ इन्स्योरेन्स बुटवलको तर्फबाट MDRT हुन सफल एजेन्सी म्यानेजर हरुलाई बुटवल शाखाले सम्मान गरेको छ ।
