धुर्कोट,गुल्मी ।
सामुदायिक विकासका लागी बाख्रा उद्यम परियोजना अन्तरगत धुर्कोट गाउँपालिकाको वडा नं १ नयाँगाउमा रहेको चेप्टेढुङ्गा महिलाउद्यम समुहका२७ जना दिदि बहिनिले सामुहिक रूपमा समुहकि सदस्य मिना पुनको जग्गामा नर्सरीको लागी जग्गा तयारी गरेका छन्।
त्यस्तै वडा नं २ पिपलधारामा डुङ्ग्रीबासमा संचालित प्रगतिशिल महिला उद्यम समुहका २५ जना सदस्य द्वारा समुहकि अध्यक्ष प्रभा थापाको खेतमा २० हजार किम्बु को नर्सरी गर्नको लागी जग्गा तयार गर्ने काम सम्पन्न भएको छ।
भोकालाई एकछाक भोजन होइन जिउने जुक्ती सिकाऔ भन्ने मुल मन्त्रका साथ संचालित सामुदायिक विकासका लागि बाख्रा उद्यम परियोजना अन्तरगत धुर्कोट गाउँपालिका चार वटा वडा नयाँगाउ, पिपलधारा, हाडहाडे र वाग्लामा गरि जम्मा ७६ वटा समुह गठन गरी समुहका सदस्य हरूलाई हेफर आधारशिला तालिम संचालन गरेपछी समुहका दिदि बहिनि हरूले सामुहिक रूपमा काम गर्ने र उपहार प्रदान गर्ने अभ्यास अनुसार काम अगाडी वढाएको प्रगतिशिल महिला उद्यम समुहकि अध्यक्ष प्रभा थापाले जानकारि दिनु भयो।
समुहका सबै दिदि बहिनि हरूले सामुहिक रूपमा मल ल्याई सामुहिक रूप बाट काम गर्दा निकै सजिलो हुने र राम्रो हुने कुरा जानकारी गराउनु भयो।
सो नर्सरी राख्नको लागी खनजोत गर्ने र मल राख्ने वरूवा कसरी लगाउने भन्ने विषयमा सामुदायिक विकासका लागी बाख्रा उद्यम परियोजनाका प्राविधिक संयोजक नारायण जि सी ले सहजिकरण गर्नु भएको थियो।
