सैनामैनामा खिचडी महोत्सव हुने

वुटवल,  । रुपन्देहीको सैनामैना ७ गोरावलमा माघी अर्थात खिचडी महोत्सव हुने भएको छ ।
थारु कल्याणकारिणी सभा सैनामैनाको आयोजनामा यही पुस २३ देखि २५ गते तीन दिनसम्म खिचडी महोत्सव गर्न लागिएको हो ।
माघी (खिचडी) महोत्सवको विषयमा जानकारी दिन बुधवार आयोजना गरिएको पत्रकार सम्मेलनमा थारु कल्याणकारिणी सभा सैनामैनाका अध्यक्ष दुलवहादुर थारुले प्रत्येक वर्षजस्तै यो वर्षपनि माघीकै अवसरमा माघी महोत्सव गर्न थालिएको बताउनु भयो ।

फेसबुकमा पछ्याउनुहोस्

माघीमा थारु समुदायको ऐतिहासिक चामलको पिठोले बनाउने ढिकरी, माछा, अनदीको भुजा, मासु लगायत थारु परिकार खाने र रमाइलो गर्ने गर्छन ।
माघी महोत्सवको अवसरमा लोप हुन लागेको ऐतिहासिक झुमडा नाच, झर्रा नाच, , झिझिया नाच, बड्का नाच, पटेवा नाचको प्रदर्शनी लगायत थारु समुदायका खानाका परिकार रहने अध्यक्ष थारुले बताउनु भयो ।
उहाँले रक्तदान, वडास्तरीय खेलकुद, थारु भाषिक नृत्य, लाठी खेल प्रदर्शन, थारु भाषाको साहित्य बाचन पनि समाबेश गरिएको बताउनु भयो ।
थारु समुदायमा माघ १ गते माघीकै दिन बच्चादेखि वृद्ध सवैले नजिकै रहेको नदीनाला, पोखरीमा स्नान गरी चामल छुट्याई बिहानदेखि गरिब र असहायलाई दान समेत दिने गरिएको थारु अगुवाहरु बताउँछन ।
बिहान हुनासाथ आशीर्वाद लिनेदिने गरी माघी सुरु हुने र माघीलाई थप रमाईलो वनाउन सांस्कृतिक कार्यक्रम गर्ने प्रचलन रहेको थारु अगुवा रामवली चौधरीले बताउनु भयो ।
साथै माघी महोत्सवको अवसरमा थारु समुदायको भेषभुषा, थारु परिकारको विशेष प्रदर्शनी रहनुको साथै राष्ट्रिय तथा स्थानिय थारु कलाकारको प्रस्तुती रहने आयोजकले जनाएको छ ।