गुल्मी । सक्रिय युवा समाज मदाने गाउँपालिकाको समूह गठन हुने भएको छ । गुल्मी जिल्लाको पश्चिमी स्थानीय तहका रुपमा चिनिएको मदाने गाउँपालिकामा रहेका क्रियाशिल युवाहरु द्वारा सक्रिय युवा समाज गठन गर्ने भएका हुन ।
“हाम्रो मदानेमा समृद्ध, सुशासन, परिवर्तन र पार्दशिता जुझारु युवाहरुको एकता” भन्ने मुल नारालाई प्राथमिकतामा राख्दै पुस १८ गते बृहत् भेला तथा समूह गठन कार्यक्रमको आयोजना गरेको छ । जसमा क्रियशिल र सक्रिय युवाहरुको बलियो टिम बन्ने युवा अभियान्ता राजन जंग कुवरले बताए । कार्यक्रमले अौपचारिकता पाउने बताइको छ ।
समाजमा हुने बिकृति,बिसङ्गति तथा स्थानिय स्तरमा हुने वेतिथि माथि युवाहरुले मात्र परिवर्तन गर्न सक्ने उनले बताए । समाजमा हुने भष्ट्रचार, अनियमितता जस्ता कुरालाई भण्डाफोर गर्न युवाहरुले मात्र गर्न सक्ने भएको हुदा यो टिम बन्न लागेको बताइएको छ । कार्यक्रम मदाने गाउँपालिकाको पृथ्वी उच्च मावि पुर्कोटदहको प्राङ्गणमा हुने छ ।
