फर्साटिकर,१० पुस ।
रुपन्देहीको शुद्धोधन गाउँपालिका वडा न .४ ले भलिबल प्रशिक्षक तथा खेलाडीहरुलाई सम्मान गरेको छ।
जन जागृत युवा क्लब कञ्चन प्रतापपुरमा गत शुक्रबार सम्पन्न भलिबल प्रतियोगितामा शुद्धोधन गाउँपालिकाको टिम विजेता बनेको थियो।
विजेता टिमका खेलाडी तथा प्रशिक्षकलाई मदन भण्डारी स्पोर्ट्स एकेडेमीका लुम्बिनी प्रदेश अध्यक्ष नरबहादुर घर्ती
र शुद्धोधन गाउँपालिका वडा न. ४ का अध्यक्ष एंव गाउँपालिका प्रवक्ता राजेन्द्र कडेलले सम्मान पत्र प्रदान गर्नुभएको थियो ।
कार्यक्रममा बोल्दै अध्यक्ष घर्तीले विजेता भएका टिमलाई बधाई एंव गाउँपालिकाको प्रतिष्ठालाई उचो राखेको भन्दै धन्यवाद दिनुभयो ।
उहाले अब खेलाडीहरुले खेलप्रतिको लगावलाई वृद्धि गर्नका लागी खेलाडीहरुको लागी खेलबिमा गर्नुपर्ने बताउनुभयो ।
खेलाडीहरुको खेलमार्फत भविष्य सुनिश्चित पार्नका लागि सबै लाग्नुपर्ने भनाइ राख्नुभएको छ।
यस्तै गाउँपालिका प्रवक्ता कडेलले खेलाडी एंव प्रशिक्षकलाइ बधाई तथा धन्यवाद दिनुभयो ।
खेलाडीहरुको खेल विकासका लागि वडा बाट सक्दो सहयोग गर्दै आएको अवगत गराउदै आउदा दिनहरुमा पनि सहयोग गर्ने प्रतिबद्धता जनाउनुभयो।
खेल प्रशिक्षक मोति थापाले खेलाडीहरु र प्रशिक्षकलाई गाउँपालिकामा पहिलोपटक वडा ४ ले सम्मान गरेको भन्दै वडा तथा जनप्रतिनिधिलाई धन्यवाद दिनुभयो ।
खेलाडीहरुको मेहनतलाई स्थानीय सरकारले यसरी सम्मान र सम्बोधन गरिरहदा खेलाडीहरुमा थप उर्जा र उत्साह थपेको बताउनुभयो ।
खेल संयोजक तथा वडा सदस्य हेमन थापाको स्वागत मन्तव्य राख्नुभएको थियो।
शुद्धोधन गाउँपालिका वडा न.४ का अध्यक्ष एंव प्रवक्ता राजेन्द्र कडेलको अध्यक्षता, मदन भण्डारी स्पोर्ट्स एकेडेमीका लुम्बिनी प्रदेश अध्यक्ष नरबहादुर घर्ती प्रमुख आतिथ्यता रहेको कार्यक्रमको सञ्चालन कपिल अर्यालको गर्नुभएको थियो ।
