बरेङ गाँउपालिकाको नयाँ अभ्यास ः प्रध्यापकहरुले सामुदायिक बिद्यालयमा अध्यापन गराउने

६ पौस ०७७ बरेङ। बाग्लुङको बरेङ गाँउपालिकाको बरेङ बजारमा अबस्थित पालिकाको एक मात्रै क्याम्पस सर्बोदय क्याम्पसका प्रध्यापकहरु अबको ३ महिना नमुना कक्षा शिक्षणका लागी सामुदायिक बिद्यालयमा पुग्ने भएका छन ।
बरेङ गाउँपालिका र सर्वाेदय क्याम्पस हुग्दिशिर बिच प्राध्यापक नमूना कक्षा शिक्षणको लागि समझदारी भएपछि नमुना कक्षा शिक्षणका लागी प्रध्यापकहरु सामुदायिक बिद्यालय पुग्ने भएका हुन ।
बरेङ गाँउपालिका भरिका ७ माध्यमिक र २ आधारभुत बिद्यालय गरि ९ सामुदायिक बिद्यालयहरुमा क्याम्पसका प्रध्यापकहरु पुगेर कक्षा ६ र ७ का बिद्यार्थी हरुलाई नेपाली ,अग्रेजी र सामाजिक बिषय मध्ये आबस्यकताको आधारमा कुनै दुई बिषय अध्यापन गराउने छन ।
कार्यक्रमले बिद्यार्थिको क्षमता अभिबृद्धि गर्ने तथा उनिहरुको पढाईको गुणस्तरमा अभिबृद्धि हुनुका साथै समग्र बिद्यालयको शैक्षिक गुणस्तर सुधार मा टेवा पु¥याउने अपेक्षा लिईएको क्याम्पस प्रमुख फुलकुमारी शर्माले बताउनु भयो ।

समझदारि पत्र अनुसार पौस माघ र फागुन गरि ३ महिनाभरिमा कार्यक्रम सञ्चालन हुने बरेङ गाँउपालिकाका शिक्षा अधिकृत सुर्य प्रसाद शर्माले बताउनु भयो । शर्माका अनुसार प्रध्यापक हरुले नमुना कक्षा शिक्षण गर्नुका साथै बिद्यालयको समस्या पहिचान गर्ने र समस्याको समाधानका लागी पालिकामा सुझाब समेत दिने छन ।
कार्यक्रमको बिषयमा आबस्यक समन्वय गर्नका लागी सम्पुर्ण बिद्यालयलाई परिपत्र गरिसकेको शर्माको भनाई छ ।
क्याम्पस बिद्यालय र गाउँपालिकाको भुमिका छुट्टा छुट्टै हुने गरि पालिकाको तर्फबाट प्रमुख प्रशासकीय अधिकृत रमेश थापा र सर्वोदय क्याम्पसको तर्फबाट क्याम्पस प्रमुख फूलकुमारी शर्माले गाउँपालिकाकी उपाध्यक्ष दिलकुमारी पुनको रोहवरमा समझदारिपत्रमा हस्ताक्षर गर्नुभएको छ ।
बरेङ गाँउपालिकाले शैक्षिक गुणस्तर सुधारका लागी नयाँ नयाँ अभ्यास गर्दै आईरहेको छ । नमुना शिक्षण कार्यक्रम तत्कालका लागी परिक्षणको रुपमा लागु गरिएको र प्रभाबकारी भएमा निरन्तरता दिईने प्रमुख प्रशासकिय अधिकृत रमेस थापाले बताउनु भयो ।