बुटवल । नव पञ्चरत्न युवा क्लबले रक्तदान कार्यक्रम पुस ४गते शनिबार बुटवल -१५ नवरत्न माध्यमिक विद्द्यालयमा बुटवल रेडक्रसको सहयोगमा औपचारिक कार्यक्रम क्लबका सल्लाहकार गङ्गा नेपालको संचालनमा सम्पन्न गरेको छ। कार्यक्रमको समउद्घाटन प्रमुख अतिथि बुटवल १५ वडा अध्यक्ष डम्मर ब. भण्डारी पानसमा दियो बाली, व्यानर पढेर गर्नु भयो भने आफ्नो स्वागत मन्तव्य राख्दै फुलवारि गाइजको अध्यक्ष शिव रानाले रक्तदानको उद्देश्यमा प्रकाश पार्नु भयो।
कार्यक्रममा बोल्दै प्रमुख अतिथि भण्डारीले रक्तदान जस्तो अमुल्य कार्य गरेकोमा प्रसंशा गर्दै ,क्लबलाई सक्दो सहयोग गर्ने र अगाडी बढाउने कुरा बताउनुभयो।त्यसैगरि कार्यक्रममा सेमलार प्रीन्टिङ् प्रेसका संचालक तथा सुनौलो लोकछाहरी सहकारी संस्थाका पुर्वअध्यक्ष प्रेम पौडेल ,वडा नागरिक मञ्चका पुर्वअध्यक्ष बेदानिधी रिजाल,समयदेवी उर्जाशिल युवाक्लबका अध्यक्ष प्रबेश पौडेल ,नव पञ्चरत्न युवा क्लबका पुर्वअध्यक्ष तथा समाजसेवी ब्यक्तित्त्व केशव आचार्य,नवदुर्गा मन्दिर समितीका अध्यक्ष भुवन केसि ,संयुक्त समाज सेमलारकि अध्यक्ष सुमित्रा न्यौपाने लगायत विभिन्न सङ्घ संस्थाका अध्यक्षहरु र समाजसेवि ब्यक्तिहरुको उपस्तिथि रहेको थियो।
बिहान ८ बजे सुरु भएको सो रक्तदान कार्यक्रममा कुल ४७ पोका रगत संकलन भएको थियो। ‘रक्तदान जिवनदान ‘भन्ने मुल नारा सहित संचालन गरिएको कार्यक्रमलाई अगामी दिनहरुमा पनि यस्तै कार्यहरु गरि समाजलाइ विकासउन्मुख बनाउन सक्दो प्रयास गर्ने बाचा सहित नव पञ्चरत्न युवा क्लबका अध्यक्ष तथा कार्यक्रमको अध्यक्ष जयमङ्गल भुसालले कार्यक्रम अन्त्यको घोषणा गर्नु भयो।
