सहिदको चिठी।

आँखै अगाडि
आमाको सिन्दुरसंगको
नाता दुर भएको हो
बा को अन्तिम संस्कार
गर्न नपाएको
म असंस्कारी छोरा
मलाइ थाहा छ
मेरा बा अब फर्केर आउँदैनन्
नेताजी अब
यो पनि भनिदिनुस कि
मेरा बा को मृत्यु
हजुरको जिन्दगी परिवर्तन
गर्न मात्रै भएको हो ?

हजुरले गरेको बन्दमा
एम्बुलेन्स मै बन्द भएर
गर्भवती मेरि दिदिको प्राण गयो
मेरा जस्तै हजारौं दिदिका
आमा बन्ने सपना
चकनाचुर बनाएको
हजुरको बन्दको
सपना साकार भयो त ??
देशमा परिवर्तन लिएर आउँछु
भनेर सोह्रबर्षे भाउजू छोडेर
दाइ हिडेको आज
सोह्र बर्ष नै भयो
मेरा दाजुभाउजुको
प्रेमकथा मेटाएको
हजुरको आन्दोलनको
कथा पनि कतै
मेरो दाइभाउजुको प्रेमकथा जस्तै
अधुरै त छैन होला नि ??

कापीकलम खोलामा
बन्दुक हाल झोलामा
भन्ने नारासंगै लिएर गएको
मेरो भाइ आज कुन झोलामा
कुन कुनामा फालिएको छ
जानकारी दिन सक्नुहुन्छ ??
हिजो लालसलाम भन्न
एकजुट गराएका हातहरु
हजुरको गरिबी बेपत्ता पार्न मात्रै
जुटाउनु भएको थियो ??

छोराहरु श्रीमानहरु
आफन्तहरु र सपनाहरू गुमाएका
मजस्तै हजारौं युवाहरु
एकपटक फेरिएको शासन र
नफेरिएका शासक फाल्न
त्यसैगरी एकजुट हुनुभन्दा पहिला
तपाइहरु आन्दोलनको
सपना र सहिदको सम्झना गर्नुहोस
दम्भ र घमण्डको राजनीति कति र
कहिलेसम्म चल्छ नेताजी ??
युद्धमा मारिएका
मेरा बा को रगत हो म
शान्त छु तर
कमजोर छैन सम्झिनुहोला
आफ्ना सन्तान र सिंदुर गुमाएकी
मेरि आमा सहिदको
पूरा नभएको
सपना पूरा गर्न
बाँकी छोराहरुको रगत बगाउन पनि
तयार हुनेछिन।

हामिसंग देश छ हामी देशलाई छातिमा
बोकेर हिड्छौं
आवस्यक पर्छ भने छातिको लागि
ज्यान पनि दिन्छौं
समय छ नेताजी एकपटक हिजोको
द्वन्द सम्झिएर अबको कदम
अगाडि बढाउनु होला
सहिदको सपना पूरा गर्न
अझै अरु सहिदहरु हुनु नपरोस
देश देशजस्तै होस
नेता शासक होइन साथिजस्ता हुन
सहिदको सपना पूरा गर्ने चाहना
कहिले कमजोर नहोस
सहिदको सपना जस्तै देश बनोस ।। – राहुल