पौष ४
परमानन्द वचत तथा ऋण सहकारी संस्था लिमिटेडको आठौं वार्षिक साधारण सभा एवं तेस्रो अधिवेशन शनिबार सम्पन्न भएको छ । रूपन्देहीको तिलोत्तमा १, नयाँमिल स्थित परमानन्द संन्यास आश्रमको सभाहलमा सम्पन्न कार्यक्रममा निवर्तमान अध्यक्ष गिरिराज पाठकले वार्षिक प्रतिवेदन गर्दै आर्थिक वर्ष २०७६/७७ मा ७ करोड ,२५ लाख,८६ हजार ,८ सय ३५ रूपैयाँ ऋण लगानी गरि ६ करोड ५२ लाख ५८ हजार ७ सय १५ रूपैयाँ ऋण असुल गरिको र आर्थिक वर्षको अन्त्त्य सम्ममा १३३ जना ऋणहरूमा ९ करोड ४५ लाख ७६ हजार ९ सय २८ रूपैयाँ लगानीमा रहेको जानकारी गराउदै असुली दर ९२% प्रतिशत रहेको जानकारी गराउनु भएको थियोे । कार्यक्रममा लेखा संयोजक टिकाराम घिमिरे आन्तरिक लेखा परिक्षण प्रतिवेदन पेस गर्नु भएको थियोे भने कोषाध्यक्ष श्याम सुन्दर तिवारीले आर्थिक प्रतिवेदन पेस गर्नु भएको थियोे । कार्यक्रममा विद्यार्थी सक्षम ज्ञवाली, पूर्व लेखा संयोजक राजेन्द्र मणि शर्मा भुसाल , पूर्व संचालक कल्पना न्यौपाने ,डासुनारायण अधिकारी, मीन प्रसाद बस्याल , ब्यवस्थापक दिपक थापा ,कर्मचारी सीता घिमिरे लगायतलाई सम्मान समेत गरिएको थियोे ।
कार्यक्रमको पहिलो सत्रमा बोल्दै प्रमुख अतिथि १ हजार ८ स्वामी विवेकानन्द सरस्वती महाराजले सहकारी नाम र त्यसको मर्ममाथी प्रकाश पार्दै पवित्र कार्यमा सधैं अग्रसर हुनु पर्नेमा जोड दिनु भएको थियो । कार्यक्रमका विशिष्ट अतिथि संस्थाका सल्लाहकार एवं निर्वाचन मण्डलका संयोजक दधिराम खारेल, संस्थाका सल्लाहकार एवं निर्वाचन मण्डलका सल्लाहकारहरू राजकुमार पाण्डेय र आत्मराम पाण्डेय बोल्दै सहकारीले छोटो समयमै प्राप्त गरेको सफलताको प्रसम्सा गर्नु भएको थियो ।
निवर्तमान उपाध्यक्ष दुर्गाप्रसाद खरेलको स्वागत एवं निवर्तमान लेखा सदस्य ऋषिराम खरेलको संचालनमा सम्पन्न कार्यक्रममा
निवर्तमान अध्यक्ष गिरिराज पाठकले शेयर सदस्यवाट आएको विभिन्न प्रश्नको जवाफ दिई सकेपछि पहिलो सत्र समापन तथा आफु अन्तर्गतको समिति तथा विभिन्न उपसमिति भंङ्ग गर्नु भएको थियो ।
यसै अवसरमा तेस्रो अधिवेशनले दुर्गा प्रसाद खरेल अध्यक्षतामा ९ सदस्यीय कार्यसमिति सर्वसम्मत निर्वाचित गरेको छ । जसको उपाध्यक्ष खिमानन्द गौतम सचिवमा राजेन्द्र मणि शर्मा भुषाल, कोषाध्यक्ष श्याम सुन्दर तिवारी रहनु भएको छ । त्यस्तै नवनिर्वाचित सदस्यहरुमा गिरिराज पाठक , पार्वती भण्डारी डासुनारायण अधिकारी ,गिरिधारी वस्याल र लक्ष्मी प्रसाद डुम्रे रहनु भएको छ ।
त्यस्तै लेखासमिति संयोजकमा राम वहादुर कुवर निर्वचित हुनुभएको छ भने जसको सदस्यहरूमा सरस्वती वस्याल र डोलराज पाण्डे रहनु भएको निर्वाचन मण्डलका संयोजक दधिराम खरेलले जानकारी दिनु भयो ।
