बुटवल, ३ पुस ।
प्रथम प्रचण्ड थैव स्मृति नकआउट फुटबल प्रतियोगिता २०७७ अन्तर्गत दोस्रो सेमीफाईनल खेल आज आयोजक सौभाग्य युवा क्लब र सिद्धार्थ युवा क्लब, चपरहट्टिक बीचमा खेल हुनेछ ।
बिहीबार भएको पहिलो सेमीफाइनल खेलमा शिवनगर युवा क्लबलाइ ट्राईबेकरमा ४–२ गोल अन्तरले पराजित गर्दै झरना स्पोर्टिङ क्लब कुन्जलापुर फाइनलमा प्रवेश गरेको हो ।
बुटवल ७ स्थित सिद्धेश्वर खेल मैदानमा भएको खेलको निर्धारित समयमा झरनाका लागि अजय थापाले ८ औं मिनेटमा गोल गर्दै खेलमा अग्रता लिएका थिए । तर शिवनगरका सुनिल श्रेष्ठले खेलको १५ औ मिनेटमा गोल गर्दै खेल बराबरीमा ल्याए ।
निर्धारित समयको खेल बराबरी भएपछि ट्राईबेकरमा गएको थियो । ट्राईबेकरमा शिवनगरका सुभाष महतो र सुमन बेल्बासेले बल बाहिर प्रहार गरे । खेलमा शिवनगरका किशोर राना म्यान अफ दि म्याचबाट पुरस्कृत भए ।
