काठमाडौं । पछिल्लो २४ घण्टामा नेपालमा थप ७ सय ३६ जनामा कोरोना संक्रमण पुष्टि भएको छ । देशभर ७ सय ३६ संक्रमित थपिएको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिए ।
पछिल्लो २४ घण्टामा ७ सय ३६ जना थपिएसँगै नेपालमा कुल कोरोना संक्रमितको संख्या २ लाख ५० हजार ९ सय १६ पुगेको छ । यीमध्ये ९ हजार ७ सय ५७ जना सक्रिय संक्रमित रहेका छन् ।
डा. गौतमका अनुसार पछिल्लो २४ घण्टामा देशभर ८ सय ४७ जनाले कोरोना संक्रमण जितेका छन् भने कोरोना संक्रमणमुक्त हुनेहरुको संख्या २ लाख ३८ हजार ५ सय ६९ पुगेको छ ।
पछिल्लो २४ घण्टामा देशभर कोरोना संक्रमणबाट १३ जनाको निधन भएको छ । यससँगै कोरोना संक्रमणबाट देशभर अहिलेसम्म १ हजार ७ सय ४३ जनाले ज्यान गुमाएका छन् ।
