काठमाडौं । यूरोपेली मुलुक फिनल्याण्डले नेपालसँग सहकार्य अभिवृद्धि बढाउने जनाएको छ ।अर्थमन्त्री विष्णु पौडेलसँग शुक्रबार भएको भेटमा फिनल्याण्डका राजदूत प्रेटि एन्टेनिनले नेपालसँग सहकार्य गर्दै सहायता अभिवृद्धि गर्ने जनाएका हुन् ।
अर्थमन्त्रालयमा भएको भेटमा मन्त्री पौडेलले नेपाल र फिनल्याण्ड बीच सदैव सुखद र असल सम्बन्ध भएको उल्लेख गर्दै नेपालको विकासमा फिनल्याण्ड सरकारले गर्दै आएको सहयोगको लागि धन्यवाद दिए ।
अर्थमन्त्री पौडेल र र राजदूतबीच द्विपक्षीय सम्बन्ध, विकास सहायता परिचालन, पर्यटन प्रवर्द्धन, लगानी अभिबृद्धि तथा कोभिड-१९ महामारीको नियन्त्रण लगायतका विषयमा छलफल भएको छ ।भेटमा महामहिम राजदूतले सन् २०२१ देखि २०२४ सम्म फिनल्याण्डले नेपालको लागि गर्ने विकास सहायता रणनीतिका बारेमा जानकारी गराएका थिए ।
